2024 yilning oktyabr oyida Xitoyning Uxu shahrida Chery xalqaro foydalanuvchilar sammiti bo‘lib o‘tdi. Unda turli mamlakatlardan kelgan Chery brendining asosiy vakillari (KOC) va foydalanuvchilari ishtirok etdi. Tadbir doirasida tantanali kecha va kompaniyaning strategik rejalarini hamda eng yangi texnologik yutuqlarini namoyish etishga qaratilgan turli dasturlar tashkil etildi.
Sammitda “Biz tomon qadam” konsepsiyasi taqdim etildi, u esa foydalanuvchilar bilan o‘zaro aloqada yangi ekotizim yaratishga qaratilgan. Chery kompaniyasining bosh direktori Ju Shaodung kompaniyaning foydalanuvchilarga an’anaviy avtomobil xizmatlaridan o‘zgacha tajribalarni taqdim etishga intilishini qayd etdi va brend bilan o‘zaro munosabatni mukammal va innovatsion shaklga keltirilishiga e’tibor qaratdi.
Chery’ning ekologik transport strategiyasi doirasida, zamonaviy foydalanuvchilar uchun maxsus ishlab chiqilgan LEPAS seriyasidagi konseptual avtomobillar taqdim etildi. Mashinalar dizayni “Yashil energiya” konsepsiyasiga asoslangan bo‘lib, u Chery brendining dinamik va premium mavqega ega ekanligini ko‘rsatadi. Seriyaga gibrid va to‘liq elektrli modellari kiritilgan bo‘lib, bu kompaniyaning ekologik va barqaror rivojlanishga sodiqligini yana bir bor tasdiqlaydi.
Sammitning eng asosiy nuqtalaridan biri "Chempionlar kechasi" bo‘lib, unda AIMOGA kompaniyasining Argos robot-iti namoyish etildi. Robot ilg‘or mashinani o‘rganish va vizual idrok texnologiyalari bilan jihozlangan bo‘lib, mustaqil harakat va foydalanuvchilar bilan o‘zaro munosabatni ta’minlay oladi. KOC vakillari Argos’ni qo‘llashning turli ssenariylarini namoyish etdilar, bu esa robotlashgan yechimlarning kundalik hayotdagi imkoniyatlarini va Chery kompaniyasining texnologiyalar sohasidagi innovatsion yondashuvini yana bir bor tasdiqladi.
"Inson-avtomobil-hayot" ekotizimini yaratish
Chery ko‘rgazma doirasida kundalik hayotdagi turli sahnalar orqali yangi energiya manbalari, faol dam olish va zamonaviy dizayn qarorlari bilan texnologik integratsiyani aks ettirdi. Bu ekotizim Chery International tomonidan 2022 yilda ilk bor taqdim etilgan "Faqatgina avtomobil emas, balki mehr bilan yaratilgan” tamoyiliga asoslangan. Bu yondashuv foydalanuvchilarga oddiy avtomobillardan foydalanishdan tashqari, uzoq muddatli munosabatlarni yaratish, personallashtirilgan va kompleks mahsulot hamda xizmatlar orqali ekologik barqaror turmush tarzini qo‘llab-quvvatlashga qaratilgan.
