Ukraina birinçi marta Kaspiy dengizida Rossiya harbiy-dengiz floti kemalariga zarba berişga muvaffaq böldi, deb xabar bermoqda Ukraina OAV mamlakat razvedka xizmatlaridagi manbalarga tayanib. Ukraina Mudofaa vazirligi Boş razvedka boşqarmasi («GUR»)ning innovatsion maxsus operatsiyasi natijasida Ukraina dronlari Kaspiy flotiliyasi dengiz bazasiga zarba berdi, deb xabar qildi 6 noyabr, çorşanba kuni «Ukrainska pravda» maxsus xizmatlardagi suhbatdoşiga tayanib.
Kemalar çegaradan 1500 km uzoqlikda urilgan
Naşr ta’kidlaganidek, Ukraina-Rossiya çegarasidan nişongaça bölgan masofa 1500 km atrofida. Uning ma’lumotlariga köra, bu Kaspiy dengizida Rossiya harbiy kemalariga birinçi muvaffaqiyatli hujumdir.
«Suspіlne» ma’lumotlariga köra, hujum natijasida Kaspiysk şahridagi kamida ikkita obekt zarar körgan. «Aftidan, gap «Tatarstan» va «Dagestan» raketa kemalari haqida ketayotgan bölişi mumkin», — deya iqtibos keltiradi telekanal razvedkadagi suhbatdoşidan. Uning ma’lumotlariga köra, «21631-loyihasining kiçik raketa kemalari» ham zarar körgan bölişi mumkin. Boşqa OAV ham xuddi şunday ma’lumotlarni e’lon qilgan.
Şu kuni ertalab Doğiston rahbari Sergey Melikov Kaspiyskka dron bilan hujum qilinganini ma’lum qilgan edi. Havo hujumidan mudofaa kuçlari «Kaspiysk uzra uçuvçisiz uçiş apparatini yöq qildi», deb yozdi u Telegramʼda. U tergov ötkazilişiga asoslanib, qöşimça ma’lumot bermadi.
