Унда Европадаги нуфузли олий таълим муассасалари профессорлари, илмий тадқиқотчилар, археологлар, тарихчи олимлар ва талабалар иштирок этди.
Тақдимот давомида Ўзбекистон элчихонаси ходимлари томонидан мазкур лойиҳанинг республика ҳудуди тарихини ўрганишдаги аҳамияти ва юртимиз ҳудудларининг қадимий Ипак йўли ривожидаги муҳим ўрни ҳақида маълумот берилди.
Мазкур грант лойиҳаси Европа Комиссияси томонидан молиялаштирилади.
Лойиҳа Ипак йўлининг энг муҳим манзиллари ҳисобланган Ўзбекистон ва унинг ҳудудида бронза даврида металл ишлаб чиқариш технологияларининг эволюцияси ва босқичларига бағишланади.
Келгусида Ўзбекистон олимларининг мазкур лойиҳага жалб этилиши назарда тутилган.
"Бугун "Евросиё металлургиясининг эволюциясини кашф қилиш (Р): бронза даврида металлардан фойдаланишга асосланган иқтисодиётнинг ижтимоий ва экологик таъсири" мавзусидаги археологик лойиҳамизнинг расмий очилиш маросимини ўтказдик. Лойиҳадаги асосий тадқиқотлар Ўзбекистон ҳудудида амалга оширилади. Бу Буюк Британиядаги ўзбек маданий ва археологик меросини таҳлил қилиш ва ўрганиш учун ноёб имкониятлардан биридир. Биз Ўзбекистон Фанлар академиясининг Археология институти, шунингдек, Самарқанддаги Ипак йўли маркази билан ҳамкорлик алоқаларини йўлга қўйганмиз. Ўйлаймизки, мазкур тадқиқотлар келгусида археологик даврларни кенгроқ ўрганишга туртки беради", – деди лойиҳа раҳбари Миляна Радивоевич.
