Rossiyalik işbilarmonlar Gennadiy Timçenko, şuningdek Arkadiy, Boris va Roman Rotenberg Finlandiyaning Trevian sarmoya kompaniyasi bilan Finlandiya poytaxtidagi Helsinki Halli yirik sport stadionini sotiş böyiça şartnoma imzoladi. Bu haqda 12 noyabr, seşanba kuni Helsingin Sanomat gazetasi xabar berib, kelişuv hali Finlandiya va Yevropa Ittifoqi rasmiylari tomonidan ma’qullanişi kerakligini ta’kidladi.
Naşrning yozişiça, rossiyalik milliarderlar sotuvdan tuşgan pulni olmaydilar: mablağlar Helsinkidagi rasmiylar nazorati ostidagi maxsus hisobraqamiga ötkaziladi va u yerda Gennadiy Timçenko va Boris Rotenbergga nisbatan joriy etilgan sanksiyalar bekor qilinmagunça qoladi.
Yle naşrining 13 noyabr kuni xabar berişiça, Finlandiya Taşqi işlar vazirligi taxmin qilganidek, kelişuvni yakunlaş bir neça oy davom etişi mumkin. Boş vazir Petteri Orponing Yle naşriga aytişiça, agar barça hujjatlar joyida bölsa, hukumat stadionni sotib oliş şartnomasini tasdiqlaşga tayyor. U Yevropa Ittifoqidan xuddi şunday qarorni kutmoqda, unda barça a’zo mamlakatlarning bir ovozdan qarori talab qilinadi, çunki gap Helsinki Halli'ga qarşi sanksiyalar haqida ketyapti.
Bitimning moliyaviy miqdori oşkor etilmagan. Helsingin Sanomat xabariga köra, avvalroq bu miqdor 57 million yevro deb körsatilgan edi, biroq öşandan buyon u 60 million yevroga kötarilgan bölişi mumkin.
Timçenko va Rotenbergga qarşi sanksiyalar kiritilgandan söng Helsinkidagi arena yopildi. Reuters ta’kidlaganidek, ötgan yili Helsinki şahri tadbirkorlar maydonçani ixtiyoriy ravişda sotişga rozi bölmasa, ulardan tortib olinişi mumkinligini bildirgan.
11 noyabr kuni Finlandiya poytaxti şahar kengaşi «binoning vayron bölişini töxtatiş va yirik xalqaro tadbirlarni ötkaziş imkoniyati yöqligi sababli Finlyandiya obrösiga putur yetkazilişining oldini oliş uçun» stadionni ekspropriatsiya qiliş zarur, degan qarorga keldi.
Gennadiy va Yelena Timçenko YeI sudida sanksiyalarni olib taşlaşga erişa olmadi
11 sentabr kuni YeI sudi er-xotin Gennadiy va Yelena Timçenkolarning Yevropa Ittifoqi Kengaşiga da’vosini rad etdi, unda ular Rossiyaning Ukrainadagi tajovuzi uçun sanksiyalar rejimi doirasida ularga nisbatan qöllangan çeklov çoralariga e’tiroz bildirişdi.
2022 yil iyul oyida YeI Kengaşi sanksiyalar röyxatidagi şaxslarga Yevropa Ittifoqi yurisdiksiyasi ostidagi aktivlari töğrisida hisobot beriş majburiyatini kiritdi. Bryussel bu harakatni sanksiyalardan qoçiş sxemalarining tobora murakkablaşib borayotganiga javob deb atadi. Timçenkolar Yevropa Ittifoqi Kengaşi şu tarzda öz vakolatlarini suiiste’mol qilganiga işonyapti. Biroq, Lyuksemburg sudi Bryusselning bunday majburiyatni yuklaş huquqiga ega ekanligini körsatdi.
