Qoʻshimcha funksionallar
-
Tungi ko‘rinish
Shavkat Mirziyoyev: Parlamentda muxolifatni jonlantirish zarur
Parlament chinakam xalq uyi, uning quyi palatasi esa g‘oyalar generatoriga, sog‘lom raqobat, bahs va munozaralar maydoniga aylanishi kerak, dedi Shavkat Mirziyoyev. Davlat rahbari muxolifatning kafolatlangan huquqlarini ko‘paytirishga chaqirdi.
Foto: Prezident matbuot xizmati
O‘zbekiston prezidenti Shavkat Mirziyoyev Oliy Majlis Qonunchilik palatasining 5-chaqiriqdagi ilk yalpi majlisida nutq so‘zladi.
Davlat rahbarining so‘zlariga ko‘ra, “yangi davrda parlament chinakam xalq uyi, uning quyi palatasi esa g‘oyalar generatoriga, sog‘lom raqobat, bahs va munozaralar maydoniga aylanishi kerak”.
Prezident parlamentda muxolifatni jonlantirish zarurligini aytdi.
Buning uchun parlamentdagi muxolifatga kafolatlangan huquqlari sonini 3 tadan 6 taga oshirish, 1 nafar qo‘mita raisi va 2 nafar qo‘mita raisi o‘rinbosari lavozimlarini kafolatli egallash, har chorakda “Hukumat soati” va parlament so‘rovi doirasida kamida bittadan masala kiritish kabi qo‘shimcha huquqlar berishni taklif qildi.
Prezident Qonunchilik palatasiga Hukumat a’zosi hisobotini eshitib, uning yakunlariga ko‘ra, ushbu rahbarni iste’foga chiqarish to‘g‘risida prezidentga taklif kiritish huquqi berilganini eslatdi.
Mavzuga oid
14:59
Shavkat Mirziyoyev qaysi masalalarda yangi qonunlar kerak bo‘layotganini sanab o‘tdi
14:37
Budjet xarajatlari ustidan parlament nazorati deyarli sezilmayapti - prezident
12:00
Mavluda Xo‘jayeva va Rahim Hakimov spiker o‘rinbosarlari etib saylandi
11:18