Top Gear ijodiy jamoasi O‘zbekistonda o‘z dasturini suratga oldi

Suratga olish jarayonida O‘zbekiston Harbiy havo kuchlari vertolyotlari ham ishtirok etdi.

Foto: Videodan kadr

Fransiyaning «BBC Studios France» delegatsiyasi jahonga mashhur «Top Gear France» avtoshousi dasturining navbatdagi sonini suratga olish uchun O‘zbekistonga keldi.

Fransiya delegatsiyasi, jumladan, boshlovchilar va operatorlar jamoasi O‘zbekiston tabiati va madaniy merosi fonida dasturni suratga oldi. Yangi qismda avtomobil sinovlari va O‘zbekistonning ko‘chalari va tog‘lari, shuningdek, Toshkent va Samarqand shaharlarining manzaralari namoyish etiladi.

Suratga olish jarayonida O‘zbekiston Harbiy havo kuchlarining Airbus H215 «Super Puma» vertolyotlari ham ishtirok etdi.

Top Gear France - xuddi shu nomdagi Britaniya serialiga asoslangan transport vositalari, birinchi navbatda avtomobillar haqidagi fransuz teleseriali. U birinchi marta 2015 yilda RMC Decouverte telekanalida efirga uzatilgan.