Superkubok tikilgan El-Klasiko, «Arsenal» «MYu»ga qarşi. Hafta öyinlari anonsi
|20:48 / 11.01.202511 48715 min
Ba’zi ligalarda tanaffus tugab, navbatdagi turlarga start berilmoqda, Angliyada esa bu safar faqat kubok öyinlari bölib ötadi. Şunday bölsa-da, zerikişga vaqt yöq, xususan ham Angliyada, ham Ispaniyada mamlakatning eng nomdor klublari örtasida muhim uçraşuvlar bor. El-Klasiko, Turin derbisi, Amorimning «Emireyts»ga ikkinçi safari muxlislar uçun juda yaxşi sovğa bölişi tabiiy.
Foto: Getty ImagesFoto: Getty Images
TORINO – YuVeNTUS (11 yanvar, 22:00)
Kuçli beşlik çempionatlarida birinçi davra yakunlari böyiça faqat ikki jamoa mağlubiyat nimaligini bilmay kelmoqda. Birinçisi Fransiya çempionati peşqadami «PSJ»ning holati tuşunarli, zero u yerda parijliklarga nisbatan keskin raqobat qila oladigan raqibning özi yöq. Ammo «Yuventus»ning vaziyati tuşunarsiz, şu bilan birga u qadar ijobiy baholaş ham qiyin. Çunki «Yuventus» hali mağlubiyatga uçramagan bölsa-da, ğalabalar soni böyiça peşqadam «Napoli»dan ikki barobar kam körsatkiçga ega. «Yuventus» A Seriya doirasida allaqaçon 11 öyinda durang qayd etib ulgurdi. Qiziği, bu körsatkiçni faqat yangi murabbiy Mottaning jamoa tizimiga yangi ekani bilangina boğlaş ham qiyin, zero «Yuventus» ötgan mavsumda ham ligada eng köp durang öynagan jamoalardan biri bölgandi – 14 ta.
Ayni pallada «Yuventus» 32 oçko bilan 5-örinda bormoqda, ammmo törtinçi örindagi «Latsio»ga nisbatan ikki öyin zaxirasi borligini inobatga olsak, turinliklarda kuçli törtlikka qaytişga imkoniyat yaxşi. Ammo boşqa tomondan Motta jamoasining A Seriyadagi keyingi uç öyini «Atalanta», «Napoli» va «Milan»ga qarşi ekanini e’tiborga olsak, bu turda ğalaba qozoniş şartligini ta’kidlaş kerak. Ortdan ergaşib kelayotgan «Milan» va «Roma» öz murabbiylarini almaştirib ulgurişdi va agar turinliklar yuqorida sanalgan öyinlarda oçkolar yöqotişni davom ettirsa, yanada pastroqqa qulaş va hatto Mottaning iste’fosi haqida gap-sözlar köpayişi mumkin. Buning ustiga «Yuventus» Çempionlar Ligasida ham u qadar zör ketmayapti, ötgan haftada esa Superkubok yarimfinalida «Milan»ga yutqazib qöydi.
«Torino» esa turnir jadvalida qanday örinda bormasin, derbida «Yuventus»ga yetarliça muammo tuğdira olişi sir emas. Ayniqsa öz maydonidagi öyinlarda. Aynan «Torino» maydonida ötgan oxirgi 7 öyinda yo durang qayd etilgan yoki «Yuventus» atigi 1:0 hisobida ustun kelgan. Ötgan mavsumdagi derbida hisob oçilmagandi.»Yuventus» mezbon hisoblangan javob öyinida esa 2:0 hisobi qayd etilgan. Boşqa tarafdan, oxirgi 25 derbida «Torino» atigi bir marta ğalaba qozonganini ham ta’kidlaş lozim. Bu ğalaba 2015/16 mavsumiga töğri kelib, oradani ön yilga yaqin vaqt ötdi.
Tarkiblarga kelsak, «Yuventus» tarkibida Konsensau va Vlaxoviç oy oxirigaça şeriklariga yordam bera olişmaydi. Kambiyassoda virus aniqlangan. Şuningdek, Manuel Lokatelli «Fiorentina» bilan öyinda olgan sariq kartoçkasi tufayli diskvalifikatsiyaga uçragan. Mezbonlar safida Gineitis va Şuursda jarohatlar bor. Duan Sapata mavsum oxirigaça safdan çiqqan.
ARSeNAL – MANÇeSTeR YuNAYTeD (12 yanvar, 20:00)
Uşbu dam oliş kunlari Angliyada tur öyinlari ötkazilmaydi. Jamoalar futboldagi eng quhna turnir hisoblanmiş Angliya kubogi bahslarida navbatdagi bosqiç öyinlarini ötkazadilar. Bu bosqiçdan APL jamoalari ham qöşilişi barçaning e’tiborini uşbu turnirda jamlaydi. Aksariyat top-klublar quyi liga vakillariga raqib bölişgan. «Arsenal» va «Mançester Yunayted»ning bu bosqiçdayoq töqnaş kelişi esa tabiiyki, uşbu öyinni dam oliş kunlarining markaziy uçraşuviga aylantirdi.
Mavzuga oid
Yangi yilni «Mançester Yunayted» «Enfild» va «Emireyts»dagi safar uçraşuvlari bilan boşlaşi göyoki Amorim jamoasining butunlay tubga tuşişi sifatida baholanayotgandi. Çunki ötgan yilning oxirgi uç öyinini «MYu» umumiy 0:7 hisobida uç mağlubiyat bilan yakunlagandi. Ammo «Liverpul»ga qarşi öyin barçasini unuttirib yubordi. Aynan öşa uçraşuvda köpçilik Amoriya Mançesterda qanday jamoa qurmoqçi ekanini tomoşa qildi ham. «MYu» «Enfild»da ança dadil, hujumkor öyin körsatdi va hatto ğalaba ham qozonişi mumkin edi. Mutaxassislar aynan şu öyinni «Liverpul»ga qarşi uşbu mavsumda körsatilgan eng yaxşi performans sifatida baholaşdi. Tabiiyki, örinli savol paydo böladi – «Mançester Yunayted»ning bu öyini «Liverpul»ning muammolari natijasida namoyon bölgan alohida xodisami yoki rostan ham futbolçilar yangi murabbiy sistemasini tuşunib, tuzaliş yöliga ötişdimi? Uşbu öyin aynan şu savolga qisman javob berişi lozim.
APL doirasida «Mançester Yunayted» Amorim qöl ostida «Arsenal» mehmoni bölib ulgurgan ham. Ammo u paytda murabbiy yangi kelgan bölib, atigi törtinçi öyinni ötkazayotgandi. Öşa öyinda standart vaziyatlar barçasini hal qilib, «Arsenal» burçak töplaridan kiritilgan gollar tufayli ustunlikni qölga kiritgan, mehmonlar qisman bölsa-da, raqibni zararsizlantirişga muvaffaq bölişgandi. Bu safargi öyin ança oçiqroq va ikki tomonlama risklarga boy bölişini taxmin qilsa böladi.
Şuningdek har ikki tomondan ham rotatsiyani kutsa böladi. Har xolda kubok öyini va «Arsenal» bor imkoniyatini çempionatga köproq qaratişi tabiiy. «MYu»dan farqli ravişda «Arsenal» hafta örtasida «Nyukasl» bilan Liga kubogi doirasida öyin ötkazdi. Kelasi hafta örtasida esa «Tottenhem»ga qarşi derbi bor. «MYu»ning keyingi raqibi «Sauthempton» ekanidan kelib çiqsak, aynan «Arsenal» köproq keyingi uçraşuvlarni hisobga olişga majbur şaroitda turibdi. Amorim faqat Andre Onana örniga darvozada Altay Bayindir turişini tasdiqladi xolos. Albatta, yana boşqa bir qator özgarişlar bölişini kutiş mumkin. Majburiy özgarişlardan, «Arsenal» Bukayo Sakani uzoqroq muddatga yöqotgani ma’lum – uşbu pozitsiyada 17 yoşli Itan Nvaneri tuşa boşlagan, hatto «Brayton» darvozasiga gol ham urgandi.Ammo u ham jarohat oldi va kamida bir oyga safdan çiqdi. Har ikki jamoada şuningdek, jarohat sababi bilan Uayt, Şou, Maunt va Lindeloflar şeriklariga yordam bera olişmaydi. «Iblislar»ning «Arsenal» darvozasiga sönggi goli muallifi Markus Reşfordning betob bölgani va ayni damda jamoadan alohida şuğullanayotgani aytilgandi, ammo katta ehtimol uning transfer işlari amalga oşmoqda va u qizil libosda boşqa maydonga tuşmaydi.
Bundan taşqari, ayniqsa uşbu mavsumda Artetaga nisbatan taşqi bosimlar ortib borayotganini ham ta’kidlaş kerak. Murabbiy Londonda ança kuçli jamoa qurgan bölsa-da, tört yildan beri sovrin yuta olmayapti. Uşbu mavsumda «Nyukasl»dan mağlubiyat Liga kubogi imkoniyatlarini ham tuşirib yuborgan bölsa, çempionatda «Liverpul» bilan 9 oçkolik farq bor. «MYu» bilan öyindagi mağlubiyat «Arsenal»ning uşbu mavsumdagi sovrin uçun imkoniyatini keskin tuşirib yuborişi tabiiy. Har xolda «Arsenal» Angliya kubogini eng köp yutgan jamoa sanaladi. Mançesterliklar esa, ma’lum, uşbu sovrinning ayni damdagi egasi hisoblanadi.
BOLONYa – ROMA (12 yanvar, 22:00)
Mavsumni kutilmalarga nisbatan yomonroq boşlagan, ammo tuzatiş yöliga kirgan ikki jamoa örtasidagi bahs ança qiziqarli ötişi kutilmoqda. «Bolonya» tuşunarli, ötgan yilgi ajoyib mavsumdan keyin bir qator yetakçi futbolçilar, hamda boş murabbiy jamoani tark etdi. Pasayiş tabiiy edi. Şunday bölsa-da, «Bolonya» yöqotilgan oçkolar böyiça hisoblaganda çempionatda beşinçi körsatkiçni qayd etgan – xuddi ötgan yilgi kabi. Ammo Motta davridagi kabi barqarorlik va har öyinda kutilgan darajada yaxşi öyin namoyiş etişda muammolarni payqaş qiyin emas. Sönggi öyinlarda jamoa qatorasiga olti öyinni mağlubiyatsiz ötkazgaç, öz öyinini qayta topgandek tuyulgandi, lekin öz maydonida «Verona»ga 2:3 hisobida yutqazib qöydi.
«Roma» esa Xummels, Ermoso kabi tajribali erkin agentlar, Dovbik kabi hujumçilarni sotib olgaç, nihoyat yuqori örinlar uçun kuraşiş taxmin qilingandi. Ötgan mavsum oxirida jamoani qabul qilib olib, natijalarni yaxşilanişiga sabab bölgan Daniele de Rossi göyoki «Roma» uçun mukammal nomzoddek köringandi. Ammo hali mavsum yarmi tugamay, «Roma» uçinçi murabbiy bilan işlamoqda. Yuriçning ham işlari yurişmagaç, tajribali Raneriga murojaat qilindi. Ayni damda «Roma» öninçi öringa tuşib ketgan. Boşqa tarafdan sönggi öyinlarda natijalar yaxşi tomonga özgarganini, sönggi 4 öyinda uç ğalabaga erişdi va faqat safarda «Milan» bilan durang öynadi. Ayniqsa, sönggi turda Rim derbisidagi ğalaba «Roma»ga buriliş nuqtasi bölişi ham mumkin.
Özaro öyinlarga töxtaladigan bölsak, oxirgi paytlarda «Bolonya»ning yaqqol ustunligini körşimiz mumkin. Ötgan mavsumning har ikki öyinida ham «Bolonya»ning qöli baland kelgandi. Birinçi davrada Rimda keçgan öyinda ham mehmonlar 3:2 hisobida ğalaba qozongan edi. Oxirgi yetti öyinning faqat bittasida «Roma»ning qöli baland kelgan xolos. Aynan Bolonya maydonidagi sönggi ğalabasini esa rimliklar tört yil oldin qölga kiritişgan. Öşanda 5:1 hisobi qayd etilgandi.
Jarohatlar borasida tomonlarda deyarli muammolar yöq. Brayan Kristante hali tiklanib ulgurmadi va katta ehtimol uni «Roma» libosida kelasi oydan körişimiz mumkin. Mezbonlar safida esa Tommaso Pobega diskvalifikatsiya tufayli öynay olmaydi. U yuqorida eslab ötilgan «Verona»ga qarşi uçraşuvda hakam tomonidan maydondan çetlatilgandi.
ReAL – BARSeLONA (12 yanvar, 23:55)
Ispaniya Superkubogini taşkillaştirişni öz böyniga olgan saudiyaliklarning omadi çopdi – bu safar ham finalda El-Klasikoga guvoh bölamiz. Albatta, bu safar jamoalar avvalgi töqnaşuvga nisbatan farqli sport formasida va kayfiyatda yetib kelişmoqda.
«Barselona» oktyabr oyida «Real» ustidan 4:0 hisobida ğalaba qozongaç, işlar çappasiga keta boşladi. Orada faqat Çempionlar Ligasidagi ikki ğalaba, Qirollik kubogida quyi liga vakili va uşbu Superkubok yarimfinalidagi «Atletik»ni yengişni aytmasa, alohida La Liga öyinlarini olsak, ahvol juda yomon – jamoa qatorasiga 7 öyinning atigi bittasida ğalaba qozondi xolos. Tört öyinda Flik şogirdlari mağlubiyatga uçraşdi. Mağlubiyatlarning uçtasi öz maydonida sodir bölgani ham alohida mavzu. Töqqiz oçkolik farq bilan turnir jadvalida peşqadam bölib turgan jamoa ayni damda Madrid klublaridan sezilarli ortda qolib ketdi. Köp öyinçilarning jarohati tufayli mavsumning dastlabki qismida «Barselona» deyarli ayni tarkib bilan iştirok etgani ma’lum pallalarda pand berişni boşladi.
«Real»ning holati mutloq teskari. Jamoa «Barselona»dan keyin Çempionlar Ligasida yana ikki uçraşuvni boy berdi. Ammo Ispaniya çempionatida natijalar nisbatan ança barqarorlaşganini e’tirof etiş lozim – yetti ğalaba, bir durang va bir mağlubiyat. Orada qit’alararo kubokda «Paçuka» ustidan qozonilgan ğalaba «Real»ga navbatdagi sovrinni olib keldi. Ayni paytda madridliklar hisobida qatorasiga beş ğalabali seriya mavjud.
Mana şu vaziyatda jamoalar yana bir bor kim kuçliroq ekanini isbotlaşga harakat qiladilar. Sönggi öyinlardan kelib çiqsak, raqiblar holatida yana bir kiçik farqni körişimiz mumkin. «Barselona» köproq birinçi taymlarni yaxşi ötkazmoqda. Yoş tarkib va taktikaga köproq e’tibor qaratadigan Flik bilan jamoa asosan öyinga belgilangan rejani yaxşi bajarib, aksariyat öyinlarni hal qiladi. Ammo vaqt ötib, öyin oxirlagan sari öyinni nazorat qilişda muammolar paydo böla boşlayapti. «Real»da esa aksinça, aksariyat öyinlar u qadar yaxşi boşlanmasa-da, ijroçilarning mahorati va zaxiradagi variantlar yordamida jamoa öyinlarda buriliş yasay olmoqda. Agar raqamlarga töxtalsak, «Real» mavsum davomida 60+ daqiqalarda hisobni tenglaştiruvçi yoki hisobda oldinga çiqib olişga sabab böluvçi 14 gol urişga muvaffaq bölgan. Bu «Barselona»ga nisbatan ança katta körsatkiç. Kataloniyaliklar hisobida atigi 6 ta bunday gol bor xolos. Ötkazib yuborilgan gollarga qarasak ham, «Barselona» 9 marotaba mana şunday hal qiluvçi gollar qöyib yuborgan bölsa, madridliklar raqiblari atigi beş marta sönggi öttiz daqiqalikda muvozanatni özgartira olişgan xolos. Bu orqali taxmin qiliş mumkinki, agar ilk daqiqalarda, dastlabki reja böyiça «Barselona» öz ustunligini natijaga aylantira olmasa, öyin oxirlarida «Real»ning imkoniyatlari oşib ketişi mumkin.
Tarkiblardagi yöqotişlarga kelsak, «Barselona»da jarohatlar deyarli yöq. «Real» esa himoyaçilar borasida muammoga duç kelişda davom etyapti. Militao va Karvaxal mavsum tugagunça maydonga qaytmasligi ma’lum. Ayrim öyinlarda himoya markazini yopişi mumkin bölgan Tçuameni ham kiçik jarohat olib, uning finalda qatnaşişi söroq ostida qolyapti.
Xullas, barça musobaqalarda sakkiz öyindan buyon mağlubiyatga uçramay kelayotgan «Real» bilan sönggi ikki El-Klasikoni öz foydasiga hal qilgan «Barselona» bahsida favoritni aytiş biroz qiyin. Darvoqe, yuqorida esga olingan ötgan mavsumdagi Superkubok finalida 4:1 hisobida «Real»ning qöli baland kelgandi. Vinisius Junior het-trik qayd etgan.
