30 yanvar, payşanba kuni rasmiy Kiyev Ruminiya prezidentligiga nomzod Kelin Jorjyeskuning bayonotlarini Ukraina va Ukraina xalqiga nisbatan «öta hurmatsizlik ifodasi» deb atadi. Bir kun avval Jorjyesku ruminiyalik jurnalist Ion Kristoi bilan suhbatda Ukrainani «xayoliy davlat» deb atagan va uruşdan keyingi hududi qöşni davlatlar örtasida «muqarrar ravişda» bölinib ketişiga işonç bildirgan edi. U, şuningdek, 1918 yildan 1940 yilgaça Ruminiyaning bir qismi bölgan Şimoliy Bukovina - zamonaviy Ukrainaning ğarbiy qismiga işora qildi.
«Ukraina suvereniteti va hududiy yaxlitligiga tajovuz qiluvçi, xalqaro me’yorlarga, BMT Nizomiga, şuningdek, asosiy demokratik qadriyatlarga zid bölgan revizionistik bayonotlar yoki harakatlarni mutlaqo nomaqbul deb hisoblaymiz va ularni qoralaymiz», — deyiladi Ukraina TIV şarhida. «Bunday bayonotlar fonida Kelin Jorjyeskuning özini »mustaqil« siyosatçi sifatida körsatişga urinişlari bema’ni körinadi: u aytgan tezislar Rossiya propagandasi tezislari bilan mutlaqo öxşaşdir».
Ruminiya Taşqi işlar vazirligi, öz navbatida, Buxarest Ukrainaning xalqaro tan olingan çegaralari doirasidagi suvereniteti, hududiy yaxlitligi va mustaqilligini qöllab-quvvatlaşini va Jorjyesku «rasmiy vakolatlarga ega emasligi, şuning uçun Ruminiya nomidan gapira olmasligi, balki şaxsiy maqomda iş yuritişi»ni bildirdi.
Ruminiyada may oyida takroriy prezidentlik saylovlari bölib ötadi
Ruminiya prezidentining takroriy saylovi may oyida bölib ötadi — birinçi tur 4 mayda, ikkinçisi 18 mayda bölib ötadi. Noyabr oyidagi ovoz beriş natijalari bekor qilinganidan keyin yangi saylovlar sanasi 8 yanvar kuni mamlakat hukmron koalitsiyasi tomonidan kelişib olingan edi. Ruminiya prezidenti Klaus Yoxannis öz vorisi aniqlanmagunça öz vazifasini bajarişda davom etadi.
Koalitsion hukumatdagi uç partiya ham yagona nomzod Krin Antoneskuni qöllab-quvvatlaş böyiça dastlabki rejalarini tasdiqladi, deya ma’lum qildi Milliy liberal partiya. Şu yöl bilan Ruminiyadagi Sotsial-demokratik partiya, Milliy liberal partiya va Vengriya demokratik ittifoqi koalitsiyasi öta öng nomzodning ğalabasi oldini olişga harakat qilmoqda.
Kelin Jorjyesku öta öng kuçlar nomzodi bölib qoladimi yoki yöqmi, hozirça noma’lum. Uning saylovda iştirok etişi Konstitutsiyaviy sudning qaroriga boğliq bölib, u saylov kampaniyasini noqonuniy moliyalaşda ayblanib çetlatilişi mumkin, deya qayd etadi Politico.
