Isroil Madrimov WBC Interim kamari uchun kechgan jangda mag‘lub bo‘ldi

Saudiya Arabistonida navbatdagi professional boks kechasi o‘tkazildi. 

Oqshomda super yarim o‘rta vaznda WBC Interim kamari uchun ham chempionlik jangi ham bo‘lib o‘tdi. Unda o‘zbekistonlik Isroil Madrimov (10-2-1, 7 KO) vaqtinchalik chempion Virjil Ortisga (23-0, 21 KO) qarshi ringga ko‘tarildi va jang to‘liq 12 raund davom etdi. Yakunda hakamlarning barchasi ochkolar bo‘yicha amerikalik 26 yoshli bokschining g‘alabasini qayd etishdi — 111:117, 113:115, 113:115. 

Shu tariqa Madrimov qatorasiga ikkinchi chempionlik jangini ochkolar soniga ko‘ra boy berdi. 

30 yoshli bokschi bungacha 4 avgust kuni Los-Anjyelesda amerikalik Terens Kroufordga ochkolar bo‘yicha yutqazib, kamarni boy berib qo‘ygandi.

Madrimovning tayyorgarlik jarayonlarini kuzatgan manba Tribuna.uzʼga xabar berishicha, 30 yoshli bokschi bir necha oy avval kuchli gripp bo‘lgan va shundan so‘ng o‘zining optimal sport formasiga qaytishga qiynalgan. U janggacha bo‘lgan sparringlarda ham o‘zini yaxshi his qilmagan.