O‘zbekiston prezidenti huzuridagi Statistika agentligi Milliy statistika qo‘mitasi sifatida qayta tashkil etiladi. Bu haqda 24 fevral kuni prezident farmoni qabul qilingan, deya xabar bermoqda Adliya vazirligi.
Farmon bilan, statistika ishlari samaradorligini oshirishning quyidagi ustuvor yo‘nalishlari belgilangan:
- makroiqtisodiyot va tarmoqlar darajasida statistik kuzatuv o‘tkazish tizimini hamda ularning metodologiyasini xalqaro standart va tavsiyalarga muvofiq takomillashtirib borish;
- integratsiya jarayonlarini kengaytirish orqali statistik hisobotlarni qisqartirish va biznesga hisobot topshirish yukini kamaytirib borish;
- “mahalladan – respublikagacha” tamoyili bo‘yicha statistik ko‘rsatkichlarni shakllantirish tizimini yaratish orqali ma’lumotlarning ishonchliligini ta’minlash.
2025 yil yakunigacha “Hududlar statistikasi” axborot tizimi ishga tushiriladi.
2025 yil yakuni bo‘yicha hisobot davridan boshlab xodimlar soni yillik o‘rtacha 5 kishidan kam bo‘lgan va yillik tushumi BHMning 2 000 barobari (hozirda 750 mln so‘m)gacha bo‘lgan mikrofirma va kichik korxonalar uchun yillik statistika hisobotini topshirish majburiyatini bekor qilib, har uch yilda bir marotaba statistik hisobot topshirilishi belgilandi.
Statistika organlarida sun’iy intellekt texnologiyalaridan foydalangan holda, 2026 yil 1 yanvardan quyidagi interaktiv xizmat turlari joriy etiladi:
- hisobotlarni topshirishda korxona va tashkilotlarga maslahat beruvchi “Maslahatchi” sun’iy intellektga asoslangan interaktiv xizmati;
- foydalanuvchilarga statistik ma’lumotlarni tez izlab topishga ko‘maklashuvchi “Tahlilchi” sun’iy intellektga asoslangan konsultativ xizmati;
- statistik kuzatuvlarni telefon yordamida o‘tkazish imkonini beruvchi koll-markaz faoliyati.
Milliy statistika qo‘mitasi tuzilmasida “Milliy statistika tizimini transformatsiya qilish” ofisi ochiladi. Transformatsiya ofisi quyidagi ustuvor yo‘nalishlarda yangi mexanizmlarni joriy qilishga mas’ul bo‘ladi:
