Ўзбекистон ва Иордания ташқи сиёсат идоралари раҳбарлари Бахтиёр Саидов ва Айман Сафади иккита ҳужжатни имзолади.
"Мамлакатларимиз ўртасидаги ҳамкорликни янада ривожлантириш мақсадида Айман Сафади жаноблари билан иккита муҳим ҳужжатни имзоладик", – деб ёзди Ўзбекистон ТИВ раҳбари ўзининг tеlеgrаm-каналида.
Хусусан, дипломатик паспорт эгалари учун визасиз кириш тўғрисидаги ҳукуматлараро келишув, Ташқи ишлар вазирликлари ўртасида 2025-2027 йилларга мўлжалланган қўшма ҳамкорлик дастури имзоланди.
