AQSh Senati Kanada tovarlariga bojlarni bekor qilish uchun ovoz berdi

AQSh Kongressining yuqori palatasi 48 ovozga qarshi 51 ovoz bilan Tramp tomonidan Kanada tovarlariga joriy qilingan bojlarni bekor qilishni ma’qulladi.

47 nafar demokrat senatordan tashqari rezolyutsiyani respublikachilarning 4 vakili ham qo‘llab-quvvatladi. Bu CNN ta’kidlaganidek, demokratlar va respublikachilar birlashishining kamyob namunasidir.

Rezolyutsiya rasmiy ravishda AQSh hududida favqulodda holatni bekor qilishni talab etadi. Aynan shu holat Trampga bojlarni joriy qilish imkonini bergan edi.

Shu bilan birga, hujjatda boshqa barcha mamlakatlarga emas, balki faqat Kanadaga nisbatan sanksiyalar haqida so‘z boradi.

Rezolyutsiya maslahat xarakteriga ega va hali respublikachilar ko‘pchilikni tashkil qiluvchi AQSh Vakillar palatasi tomonidan ma’qullanishi kerak.

Tramp prezidentlikka kirishgach, Kanadaga qarshi misli ko‘rilmagan savdo urushini boshladi va 25 foizlik boj joriy qildi.

Bunga javoban Kanada bosh vaziri Mark Karni: «Biz endi AQSh bilan oldingidek savdo munosabatlariga suyana olmaymiz», dedi.