Isroilda 7 aprel, duşanba kuni yana minglab odamlar Tel-Aviv markazida namoyiş ötkaziş uçun köçalarga çiqdi. Namoyişçilar hukumatdan Ğazo sektorida 2023 yil 7 oktyabrda garovga olingan qolgan isroilliklarni ozod qiliş uçun Hamas harakati bilan kelişuvga erişişni talab qildi.
Namoyişçilarning köpçiligi Ğazo sektorida uruşni davom ettirişga qarşi çiqdi. Ularning plakatlariga yozilgan şiorlar orasida: «Qança qon tökiladi?» yoki «Uruşni töxtating» kabilar bor.
Namoyiş Isroil boş vaziri Binyamin Netanyahuning Vaşingtonga taşrifi çoğida bölib ötgani sababli, uning iştirokçilari, jumladan, yaqinda Hamas jangçilari tomonidan ozod etilgan garovga olinganlarning bir qismi, şuningdek, ularning oila a’zolari va tarafdorlari AQŞ prezidenti Donald Trampni uruşni tugatişga yordam berişga çaqirdi, deb xabar qiladi AP.
Bundan taşqari, namoyişçilar Binyamin Netanyahu hukumatiga, xususan, Isroil Xavfsizlik xizmati (ŞABAK) rahbari Ronen Barni işdan böşatiş qaroriga qarşi öz noroziliklarini bildirdi. Maxsus xizmat, boşqa narsalar qatori, Netanyahuning işonçli şaxslari va Qatar örtasidagi noqonuniy aloqalarni ham tekşirmoqda. Oliy sud (Oliy adliya sudi, BAGATs) Barni işdan böşatişga vaqtinçalik taqiq qöydi, sud majlisi 8 aprelga belgilangan.
18 mart kuni Isroil Ğazo sektoriga havo hujumlarini qayta boşladi. 19 mart kuni quruqlikdagi operatsiya ham qayta tiklandi. Uning maqsadi, hukumat ma’lum qilişiça, garovdagilarni ozod qiliş uçun Hamasga bosimni kuçaytiriş.
