Dunyodagi eng katta to‘g‘on Yerning aylanishini sekinlashtirdi

Xitoyda qurilgan to‘g‘on Yer sayyorasida juda kichik bo‘lsa-da o‘zgarishlarga olib keldi.

Foto: Xinhua

Xitoyning Xubey provinsiyasidagi «Uch dara» to‘g‘oni sayyoraning aylanishini sekinlashtirdi va kunning yorug‘ vaqtini uzaytirdi. Bu haqda NASA vakili doktor Benjamin Fong Chao ma’lum qildi.

Yanszi daryosidagi to‘g‘on 2012 yilda qurilgan. Uning uzunligi 2335 metr va balandligi 185 metr. Inshootda taxminan 40 kub.km suv bor, bu qariyb 38 trillion litrga teng. Bu suv dengiz sathidan 175 metr balandlikda saqlanadi. «Uch dara» dunyodagi eng katta GES hisoblanadi.

NASA mutaxassislarining ta’kidlashicha, to‘g‘on ta’sirida sayyorada massa taqsimoti o‘zgargan va Yerdagi kun 0,06 mikrosekundga cho‘zilgan. Yer o‘qi 2 santimetrga siljigan. O‘zgarishlar juda kichik bo‘lsa-da, zamonaviy qurilmalar ularni aniqlashga qodir.