Oʻzbekiston vitse-chempioni «Paxtakor» Elit Osiyo Chempionlar Ligasi asosiy bosqichini durang bilan boshladi.
Toshkentliklar Jidda shahrida turnirning amaldagi gʻolibi «Al-Ahli» klubiga qarshi oʻynadi va 86-daqiqada Flamarion goli evaziga hisobda oldinga chiqib oldi. Biroq asosiy vaqtga qoʻshib berilgan daqiqalarda gol oʻtkazib yubordi.
«Paxtakor» navbatdagi oʻyinni 12-oktabr kuni oʻz maydonida Saudiya Arabistonining yana bir klubi «Al-Qodisiya»ga qarshi oʻtkazadi.
Elit OCHL. Gʻarb mintaqasi. 1-tur
14-sentabr, Jidda, «King Abdullah Sports City» stadioni
AL-AHLI (Saudiya Arabistoni) - PAXTAKOR (Oʻzbekiston) 1:1
Gollar: Firas Al-Buraykan (90+3) - Flamarion (86)
Bosh hakam: Abdulla Jamaliy (Kuvayt)
Al-Ahliy: Eduard Mendi, Ibrahima Diabi (Valentin Atangana 62), Galeno (Meshal Al-Mutayriy 53), Said Baattia, Ivan Toni (Firas Al-Buraykan 68), Mateus Martins, Merix Demiral (Muhammad Sulaymon 68), Saad Balobaid, Rayan Hamid, Solih Abu Alshamat, Naif Masud (Eduard Spersyan 46)
Paxtakor: Vladimir Nazarov, Zaid Tahsin (Murtazo Puraliganji 46), Dilshod Saitov, Ibrohim Ibragimov, Akmal Mozgovoy (Muhammadali Dilshodbekov 88), Dostonbek Hamdamov (Flamarion 68), Bashar Resan, Abdurauf Boʻriyev, Ayman Husayn (Stiven Chinedu 69), Sherzod Nasrullayev (Hojiakbar Alijonov 78), Muhammadrasul Abdumajidov
Ogohlantirishlar: Ibrohim Ibragimov (63), Solih Abu Alshamat (64)
