Alonso «Real»da. Endi kim özgaradi – klub yoki murabbiy?
|16:37 / 29.05.202516 33614 min
Klub yangi murabbiy uçun kerakli futbolçilarni olib beradimi? Murabbiy Leverkuzenda iş bergan uslublarini Madridda qöllaşda davom etadimi?
Foto: Real MadridFoto: Real Madrid
Madridning «Real» klubi Habi Alonso bilan kelişuvni rasman e’lon qildi. Ispaniyalik murabbiy 2028 yilgaça jamoani boşqaradi va iyun oyida boşlanadigan klublar örtasidagi jahon çempionatidayoq murabbiy sifatida rasman işga kirişadi.
Iqtiboslar
«...Men uyga qaytdim. Bu klub bilan riştalar heç qaçon uzilmagan, Valdebebasga qaytişim bilan tuyğular jonlandi»
«...Men bu yerga öz talablarim bilan emas, jamoa bölib birga işlaş uçun keldim»
«...Istaymanki, odamlar bizning öyinimizga qarab, mana bu haqiqiy jamoa, deyişsin va zavq oliş umidida stadionga oşiqişsin» (Habi Alonso)
«Sen 2018 yilda „Real“ning yoşlar tarkibini boşqarib yurgan paytingdayoq qayerga bölişingni bilardik. Şu yerda. Bu sening taqdiring» (Florentino Peres)
Muqarrar voqea
Habi Alonso va «Real» yana topişişi vaqt masalasidek tuyulgandi va şunday böldi ham. Uning «Real» bilan umumiy ötmişi borligi har ikki tomon uçun masofani yaqinlaştirgani tabiiy – Habi «Bayyer» bilan kelişuvlarda agar özi öynagan klublardan taklif çiqsa, xayrixohlik qilinişini şart qilib qöygan bölsa, Florentino Peresning sözlarini yuqorida öqidingiz.
Peres 2018-19 yillar haqida gapirgan bölsa, orada ötgan mana şu olti yil içida «Real» ham, Alonso ham bu uçraşuv uçun kerakli qadamlarni taşladi, deyiş mumkin. Habi Alonso Madriddan ketgaç, uç yil «Sosiyedad»ning yoşlar jamoasini boşqargan bölsa, 2022 yilda mavsum yarmida jar yoqasida turgan «Bayyer» boşqaruvini oldi. Qisqa vaqt içida u leverkuzenliklarni avval peşqadamlardan biriga, keyin esa Bundesliga çempioniga aylantirdi. Aynan öşa çempionlik, ya’ni ötgan mavsumdan boşlab murabbiy Alonso haqida eng yuqori doiralarda gaplaşa boşlaşdi. «Liverpul», «Bavariya», «Real» va yana bir qator top-klublar Alonsoni taklif qiliş uçun navbatga turdi. Mana şu Alonsoning «Real» tomon taşlagan qadamlari edi, zero futbolda şunaqa, eng zör böldingizmi, sizni «Real» kutadi. Qisqasi, «Bayyer»da muvaffaqiyat qozonayotgan Habi Alonso «Real» uçun göyoki Çexov hikoyalaridagi devorda osiğliq turgan miltiq edi va bu qaçon otilişini, ya’ni murabbiy qaçon Madridda paydo bölişini kutiş qolgandi, xolos.
«Real» esa öz navbatida tizimli futbolga qarşi kuraşib çarçadi. Boşqa top-klublar turli taktikalar, tizimlar ustida boş qotirayotgan bir paytda «Real» eng sodda yöl bilan yil sayin eng muvaffaqiyatli klub sifatida namoyon bölar, bu ham Madrid uçun qöşimça unikallik yaratardi. Lekin sönggi mavsum bu qaraş ham doim natija bermasligi körinib qoldi. «Real» şu paytgaça individual mahoratga, şuningdek ulardan hosil bölgan Kroos – Modriç, Vinisius – Mbappe kabi boğlamlarga tayangan bölsa, yildan yilga ketganlarni almaştiriş qiyinlaşib ketmoqda. Çunki Modriç ham, Kroos yoki Benzema ham öziga yaraşa unikal, ularning ketişi tabiiy ravişda jamoa öyinidan nimanidir yulib ketadi. Doim izlanişda böliş, individual yulduzlarning örnini bosişga uriniş ham qimmat, ham doim ham öxşamaydi. Öz-özidan Florentino Peres soat kabi işlaydigan va arzimas tuzatişlar bilan uzoq yillarga yaraşi mumkin bölgan tizimli jamoaga ehtiyoj seza boşladi.
Mavzuga oid
Alonso esa buning uçun ideal nomzod. Ham öz tizimi va uslubi bilan tanilgan, ham natija körsatgan, şu bilan birga, tipaj sifatida ham ayni muddao – muxlislar yoqimtoyi, futbolçi sifatida katta tajribasi bor, deyarli hamma yulduzlar bilan birga töp surgan, ya’ni yangi avlod yulduzlari bilan qanday gaplaşişni biladi.
Bundan taşqari, ayniqsa ilk mavsumlarda kerak böladigan fazilat – yetarli darajada moslaşuvçan. U futbolçilik paytidayoq ham pragmatika qiroli Joze Mourinio, ham taktik Pep Gvardiola ostida töp surib, kerakli tahsillarni olgan.
3-4-3 – yangi «Real»mi?
Şu kunlarda hatto ba’zi jiddiy naşrlarda ham qandaydir xavotirli mulohazalar yangray boşladi. Bu Alonsoning taktik sxemasi bilan boğliq. Habi yoş murabbiy, katta futbolda faqat «Bayyer»dagi ikki yillik tajribasi bor va ahamiyatlisi, uning barça yutuqlari 3-4-3 sxemasi bilan boğliq. Şundoq ham ma’lum bir taktik qoliplarga örganmagan «Real» futbolçilari uçun endi yanada murakkabroq davr kelmoqdami? Ayniqsa, Ruben Amorimning «MYu»dagi muammolari vaziyatni yanada muhim masalaga aylantiradi, zero tört himoyaçi bilan öynayotgan jamoaning qisqa fursatda uç himoyaçiga ötişi ança oğriqli jarayon deb aytilmoqda.
Keling, «Real» tarkibini körib çiqamiz va mabodo Alonso özining eng yaxşi bilgan uslubini qöllamoqçi bölsa, qanday muammolar paydo bölişi mumkinligini taxmin qilamiz.
Markaziy himoya: Menimça, uç markaziy himoyaçi «Real»da bemalol topiladi. Alaba, Ryudiger kabi futbolçilar biroz oldinga çiqib öynay olişi hatto 3-4-3 «Real» himoyasi uçun yanada mosroq degan xulosaga olib kelişi ham mumkin.
Qanot futbolçilari: Bu birinçi muammo. Ham hujumda, ham himoyada birdek foydali harakat qiladigan futbolçilar kerak. Bu sxemada qanot futbolçilari markazlaşib emas, maydonni kengaytirişi, ya’ni yanada qanotda öynaşini e’tiborga olsak, Valverde va Kamavingadan hozirgidek foydalaniş qiyinlaşib ketadi.
Tayanç zona. Töp uçun kuraşadigan va yaxşi pasga ega bölgan futbolçilar kerak. Menimça, Sebalios, Valverde, Bellinhem, Kamavinga, Tçuameni kabilar bilan eng komplektlaşgan pozitsiya.
Hujumkor yarimhimoyaçilar. Odatda «Bayyer»da yaqqol hujumçi ortida ikki nafar «önlik»lar töp suradi. Virs masalan bu sxema uçun ideal futbolçi. Nafaqat tezkor va dribling bilan özi gol uradigan, balki ötkir paslarga usta, öyinni boşqariş xususiyati bölişi lozim. «Real»da uçlikda töp suradigan na Vini, na Rodri, na Dias töliq bu profilga tuşadi. Ikki «önlik»dan boşqaçaroği sifatida öynaşlari mumkin, ammo ikkinçi futbolçi uçun albatta kerakli tipaj kerak. Hozirgi tarkibdan faqat Arda Gulerdan kerakli futbolçi yasaş mumkin. Ammo Guler qançalik tayyor, bu mavsum javob bermadi.
Hujumçi. Bu tizimdayam Kilian Mbappe har qanday hujumçidan foydaliroq bölişiga işoniş mumkin. Ammo bir muhim jihat bor. Bu sistemada hujumçi doim kerakli paytda jarima maydonida oçilişi, doim yakunlaş uçun tayyor turişi lozim. Ortga qaytib, kombinatsiyalarda iştirok etiş talab etilmaydi. Agar Alonso tizimi Mbappega har öyinda 3-4 vaziyat yaratib berişga qodir bölsa, ya’ni Mbappe har öyinda 1-2 gol urib tursa, mana şu statistika uçun ham u berilgan rolga rozi bölişi, dribling yoki çiroyli gollar ketidan quvmasligi mumkin. Masalan, keçki Ronaldu tezligi va driblingni yöqotgaç, moslaşib, yaqqol hujumçiga aylangan. Avvalgidek «rohatlanib öynamagan» bölsa-da, gollar soni kompensatsiya bölib xizmat qilgan. Yoki Mançesterga kelgan Erling Holandni olaylik. Bir safar u butun öyin davomida 9 marta töpga tegib, 3 gol urgandi. Agar Mbappe futbol öynaş emas, gol urişga rozi bölsa, bemalol maşinaga aylanişi mumkin.
Demak, «Real» yoz böyi tranfer bozorida faol bölişi, kamida qanotga ikki futbolçi, şuningdek, kamida bir nafar hujumkor yarimhimoyaçi sotib olişi şart böladi.
Habi Alonso aslida ança moslaşuvçan murabbiy ekani, uning asosiy yutuği mavjud ijroçilardan kelib çiqib tizim yaratişi köp bor aytilmoqda. Ammo uning bu borada Ançelotti kabi tajribali emasligini ham tan oliş kerak. Ha, «Bayyer»da u aynan öşa paytdagi tarkibdan kelib çiqib 3-4-3 sxemasini tanlagan bölişi mumkin, ba’zi katta öyinlarda 4 himoyaçi bilan ham muvaffaqiyatli töp surgani («Bavariya», «Borussiya», «Inter»ga qarşi) ham fakt, ammo aynan top-murabbiy sifatida uzoq muddatli muvaffaqiyatlar hozirça baribir 3-4-3 bilan boğliq va agar Alonso boşqa şartlar va sxemada ham özini körsatişi ehtimol bor, lekin bu haqida hozirça aniq bilmaymiz.
Transferlar
«Real»da Habi Alonso kelişi bilan özgarayotgan yana bir jihat transfer siyosatidir. Şu paytgaça Florentino Peres özi istaganini, «Real» imiji va moliyaviy daromadlari uçun xizmat qiladigan har qanday futbolçini sotib olar va uni tarkibga moslaştiriş, qay tariqa foydalaniş butunlay murabbiyning zimmasidagi iş bölib qolardi. Şuning uçun ham aytaylik, Kamavinga, Tçuameni kabi futbolçilar ança iste’dodli bölişsa-da, «Real»da odatiy örniga ega bölişmadi, asosan kemtik nuqtalarni yopiş bilan şuğullanib kelişdi.
Katta ehtimol bilan, Alonso bunga könmaydi. Yoş murabbiy öz tizimi işlaşi uçun ma’lum profildagi futbolçilarga ehtiyoj sezadi va rahbariyatdan ularni olib berişni söraşi tabiiy. Muzokaralarda ham bu yetarliça kelişib olingani şubhasiz.
Habi Alonsoning Madriddagi ilk transferi Din Hausen bölmoqda. Ispaniyalik 20 yoşli markaziy himoyaçi APL kaşfiyotlaridan biri böldi. Töpni yaxşi nazorat qila oladi, maydonni köriş va turli masofalarga töpni yetkazib beriş xususiyati top-darajada. Hujumlarni boşlaşda va odatda uzoq davom etadigan «alonsoça» bild-aplarda asosiy figuralardan biri bölişi şubhasiz.
Ikkinçi transfer ham aynan himoya çiziğiga – Trent Aleksandr-Arnold. Bu futbolçini ortiqça taniştiriş şart emas. Portugaliya kubogi finalidan söng esa «Real» çap qanot uçun «Benfika» bilan Alvaro Karreras bilan muzokalarni boşladi. 22 yoşli futbolçi aslida Madrid tarbiyalanuvçisi hisoblanadi, 2017-20 yillarda «Kastilya»da şuğullanib, keyinçalik Mançester akademiyasiga yöl olgan.
«Real» körib çiqayotgan yana bir futbolçi – Anjyelo Ştiller. 24 yoşli markaziy yarimhimoyaçi bir neça yildan beri top-klublar köz ostida. «Ştutgart» tarkibida bu mavsum nafaqat Bundesligada, balki kuçli beşlik çempionatlarida köp körsatkiçlar böyiça eng yaxşilardan böldi. Aytişlariça, Ştillerni jamoaga Toni Kroos tavsiya qilgan.
«Arsenal» bilan deyarli kelişuvga erişgani aytilayotgan Martin Subimendi uçun ham «Real» kuraşib körişi mumkin ekan. Habi Alonso öz vaqtida Subimendini «Sosiyedad» yoşlar jamoasidan asosiy tarkibga uçirma qilganini unutmasligimiz kerak.
E’tibor bersangiz, bu nomlar asosan töpni nazorat qilişga usta bölgan va elit darajada uzatmalarni amalga oşiradigan ijroçilar. Ayniqsa, Trent, Hausen va Ştiller. Şu bilan birga jismoniy tomondan, katta zonalarni yopiş, yakkakuraşlar borasida muammolar böladi. Xuddi Kroosni Kazemiro, Bellinghemni Valverde doim qöllagani singari, mazkur futbolçilar uçun ham öziga yaraşa mos tizim va kerakli şaroitlar juda muhim hisoblanadi. Habi Alonso öz sistemasini qurişda Tçuameni, Valverde kabi mehnatkaş futbolçilarning ahamiyati ham katta bölişini hozirdan taxmin qiliş mumkin.
Bundan taşqari, ma’lum bölişiça, Habi Alonso «Komo»da ijarada töp surgan «Real» tarbiyalanuvçisi Niko Pasni jamoaga qaytariş tarafdori ekan. Italiyaliklar Nikodan rozi va ijara muddatini yana bir yilga çözişni sörayotgan bölişsa-da, murabbiy jamoani tark etgan Luka Modriçning örnida Niko Pasdan foydalanmoqçi. Umuman, Habi qayerda işlamasin, yoşlarga köproq e’tibor qaratadi va tarkibga faol tarzda jalb qilib keladi. Bu jihatdan Endrik, Guler kabi yetarliça imkoniyatga ega bölmayotgan yoşlar uçun ham ayni muddao.
Şuningdek, matbuot anjumanida Alonso kelajak haqida juda köp töxtaldi va jumladan, Bellinghem jamoada asosiy figuralardan biri bölib qolişi, Vinisius va Mbappening juftlikda töp surişi muammo emasligi, şuningdek, Rodrigo heç qayerga ketmasligi haqidagi mulohazalari bilan örtoqlaşdi.
Xulosa
Har qança taxmin bildirilmasin, «Real»ning kuçayişi yoki ortga qaytişi haqida turliça fikrlar yangramasin, jamoa yangi mavsumda boşqaça böladi. Ayniqsa, Alonsoning dinamik futbolga tayanişi, faol pressing va töp nazorati örtasidagi muvozanat jihatidan Flik, Slot kabi murabbiylarga yaqin ekani hammaga ma’lum va Alonso Madridda ham bu asosiy prinsiplaridan voz keçmaydi. Axir u Madridga ulardan voz keçiş uçun emas, öz ğoyalarini kattaroq maydonda, kattaroq futbolçilar bilan namoyiş qiliş uçun kelyapti.
Demak, futbol uçun bu ajoyib yangilik. Çempionlar Ligasida endi kim yutadi, klasikolar taqdiri qanday özgaradi, buni aytiş qiyin-u, lekin bir narsa aniq – endi hammasi yanada qiziqroq böladi.
