Mirzo Ulug‘bek tumanidagi podstansiyada yong‘in sodir bo‘ldi

17 iyul kuni soat 01:31 da  Toshkent shahar Mirzo Ulug‘bek tumani, Avayxon ko‘chasida joylashgan podstansiya ichida transformator yonayotgani to‘g‘risida Toshkent shahar FVBga xabar tushgan.

Shunga ko‘ra, yong‘in-qutqaruv texnikalari aytilgan manzilga soat 01:37 da yetib borib, yong‘in soat 02:06 da o‘chirildi.

Yong‘in oqibatida jabrlanganlar yo‘q. Hozirda yong‘in sababi aniqlanmoqda.