Germaniya AQSh bilan kelishilgan holda Ukrainaga ikkita Patriot'ni beradi

Germaniya Ukrainaga ikkita Patriot tizimini yetkazib beradi. Germaniya mudofaa vaziri Boris Pistorius 1 avgust, juma kuni shunday dedi: «AQShning majburiyatlari tufayli Germaniya avvalo Ukrainani uchiruvchi qurilmalarni, keyin esa Patriot tizimining qo‘shimcha komponentlari bilan qo‘llab-quvvatlashi mumkin bo‘ladi. Bu AQShning va’dasidir». Unga ko‘ra, Vashington bilan Berlin Kiyevga topshirilgan Patriot o‘rniga tizimning so‘nggi avlodini olish uchun birinchi navbatda bo‘ladi.

«Yaqin kunlarda» Bundesver «birinchi navbatda» Ukrainaga qo‘shimcha Patriot uchirish qurilmalarini yetkazib beradi va keyingi «ikki-uch oy ichida tizimning qo‘shimcha komponentlari uch yarim yildan beri Rossiya harbiy agressiyasidan himoyalanib kelayotgan Ukraina havo mudofaasini kuchaytirish uchun o‘tkaziladi».

Boris Pistorius ta’kidlaganidek, Germaniyada de-fakto o‘n ikkitadan atigi oltita Patriot tizimi qolgan. Uchta tizim allaqachon Ukrainaga o‘tkazilgan, ikkitasi Polshada joylashtirilgan, yana biri Bundesver va Ukraina harbiylari tomonidan o‘quv maqsadlarida foydalanilmoqda.

Avvalroq Germaniya mudofaa vaziri Bundesver qo‘shimcha Patriot tizimlarini, faqat Germaniya AQShdan yangisini zudlik bilan qabul qilsagina, o‘z arsenalidan o‘tkazishi mumkinligini bir necha bor aniq ta’kidlagan edi. Bu, xususan, «doimiy ravishda mashg‘ulotlar o‘tkazish» imkoniyatini ta’minlash uchun zarur, u kamida minimal miqdordagi Patriot'ni talab qiladi, deya qo‘shimcha qildi Pistorius.