Hukumat “Sea Breeze Uzbekistan” qurilişini tasdiqladi

Toşkent viloyati hokimligi hamda “Çorvoq” turistik-rekreatsion zonasi direksiyasi bilan qarorda belgilangan şartlar asosida investitsiya bitimi tuzişi kerak.

Bunda loyihani ekologik talablarga rioya qilgan holda amalga oşiriş, jumladan, realizatsiya davrida va loyiha işga tuşganidan keyin çiqindi, oqova suvlarning Çorvoq suv ombori va Çirçiq daryosiga taşlanişiga yöl qöymaslik, oqova suvlarni Çirçiq şahri suv tozalaş inşootiga yönaltiriş asosiy majburiyatlardan biri etib belgilangan.

Bu talabga rioya etmaslik loyihani töxtatişga va yerga bölgan ijara huquqining bekor qilinişiga asos böladi.

Investor huquqlari va vazifalari

“Sea Breeze Uzbekistan” MÇJ loyiha doirasida quyidagi huquqlarga ega böladi:

• tarmoq rejalari va manzilli dasturlarni işlab çiqiş;
• istisno tariqasida, loyihani amalga oşiriş doirasida 2029 yil 31 dekabrga qadar quriliş-montaj işlarini loyiha-smeta hujjatlarini işlab çiqiş bilan bir vaqtda amalga oşiriş;
• hududiy rejalaştiriş va quriliş loyihalariga qöyiladigan talablarni mustaqil ravişda belgilaşi va tasdiqlaş;
• kommunal boşqariş, investitsiya faoliyati, marketing, baholaş, geologiya-qidiruv, topografik suratga oliş, bino va inşootlarning texnik holatini tekşiriş xizmatlarini körsatiş;
• Vazirlar Mahkamasi bilan kelişilgan holda kurort hududidagi kommunal xizmatlar tariflarini belgilaş;
• kurortni quriş jarayonida investorlarga şartnoma asosida xizmat körsatiş, sanitariya-gigiyena, muhandislik-kommunikatsiya xizmatlari körsatiş, şuningdek, ularni transport infratuzilmasi va yordamçi inşootlar bilan ta’minlaş;
• yer uçastkalarini boş reja asosida va har bir lot böyiça huquq va majburiyatlarni Yer kodeksi talablari doirasida notarial tasdiqlangan holda ötkaziş (qayta ijaraga beriş).

Tadbirkor vazifalari:

• yetakçi loyiha taşkilotlari bilan birgalikda xalqaro tajriba va ekologik talablardan kelib çiqqan holda boş reja va boşqa hujjatlarni işlab çiqadi;
• investorlarni saralaş va ular bilan muzokaralar olib boriş, şartnomalar tuziş hamda investitsiya va ijtimoiy majburiyatlarning bajarilişini nazorat qiladi;
• kurort hududida loyiha-qidiruv, quriliş-montaj işlarini olib borişda individual texnik şartlarga rioya qiliş töğrisida şartnomalar tuzadi va ularning bajarilişini nazorat qiladi;
• zamonaviy turar joy majmualari qurilişiga katta tajribaga ega mahalliy va xorijiy kompaniyalarni jalb etadi, ularga zamonaviy usullar, energiya tejamkor texnologiyalar va quriliş materiallarini qöllaş böyiça majburiy körsatmalar beradi;
• Özbekistonda va xorijda keng kölamli reklama kampaniyasini taşkil etadi;
• muhandislik va transport tarmoqlarini rivojlantiriş uçun infratuzilma tölovlarini tölaydi.

19 ta yer uçastkasi ajratiladi

Toşkent viloyati hokimiyati hukumat qarorining ilovasida körsatilgan 19 ta yer uçastka egasining yerga bölgan huquqlarini bekor qilişi va böş yerlar sifatida röyxatga olişi kerak. Hudud jami 527 gektarni taşkil etadi.

Ular uçun umumiy 17,7 mlrd söm kompensatsiya puli hisoblangan. Yer egalari va ijaraçilarning zararlari investor tomonidan hokimlikning mahalliy budjetiga ajratilgan 5 mln dollar, şuningdek, qonun hujjatlarida taqiqlanmagan boşqa manbalar hisobidan qoplanişi aytilgan.

Jadvalda keltirilgan yerlarning aksariyati (13 tasi) fermer xöjaliklariga tegişli. Bunga qöşimça ravişda 50 gektar hududning ham toifasi özgartiriladi, ijtimoiy ahamiyatga ega obektlar hamda muhandislik-kommunikatsiya tarmoqlari va transport infratuzilmasini quriş uçun ajratiladi.

Loyiha hududida joylaşgan hamda jismoniy va yuridik şaxslarga tegişli bölgan köçmas mulk obektlari (qişloq va örmon xöjaligi hududlari bundan mustasno) “Sea Breeze Uzbekistan” MÇJ tomonidan ularning egalari bilan kelişilgan holda sotib olinadi.

Quriliş loyiha obektlarini barpo etiş uçun qöşimça investorlarni jalb qilişga ham ruxsat beriladi.

Tasdiqlangan boş reja va tarmoq jadvalida nazarda tutilgan quriliş muddatlari buzilgan taqdirda hamda aniqlangan qoidabuzarliklar rasmiy bildirişnoma yuborilgan kundan boşlab 12 oy içida bartaraf etilmasa, yer uçastkalarini ijaraga beriş (yoki qayta ijaraga beriş) şartnomalari bekor qilinadi.

Infratuzilmaga tölov undiriladi

Ijaraçilar qurilayotgan maydonning har kvadrat metri uçun quriliş hajmiga mos ravişda 50 dollar miqdorida infratuzilma tölovini tölaşlari kerak. Boş rejada körsatilgan yerosti avtoturargohlar, texnik binolar va davlat ijtimoiy obektlari bundan mustasno. Pullar obektlar işga tuşirilgunga qadar “Çorvoq” turistik-rekreatsion zonasi direksiyasining şaxsiy ğazna hisobvarağiga ötkazib boriladi.

Direksiya bu mablağlar bilan beş yil davomida qişloq xöjaligi va örmon xöjaligi işlab çiqarişi nobudgarçiliklarining örnini qoplaşi kerak. Qolaversa, bu summalar toğli va olis hududlarda turistik infratuzilmani rivojlantiriş jamğarmasi mablağlari ijtimoiy soha obektlarini, kommunal tarmoqlarni, yöllarni loyihalaş va quriş, suğoriş va malakali mutaxassislarni jalb qiliş uçun işlatilişi mumkin.

Qaror bilan kompaniya murojaatidan kelib çiqib, yaşil maysalarni kesiş va yaşil maydonlarni qayta tiklaş Örmon va yaşil hududlarni köpaytiriş, çöllanişga qarşi kuraşiş agentligi tizimidagi taşkilotlar tomonidan amalga oşiriladi.

Ekologiya vazirligi va “Sea Breeze Uzbekistan” bir oy muddatda loyiha hududidagi daraxtlarni xatlovdan ötkazişi, söng ularni qimmatbaho, kam qimmatli va nobud bölgan toifalarga ajratişi kerak.

Daraxtlarga oid eng qiziq band şu yerda yangragan, ya’ni qaror bilan tadbirkorga qimmatbaho daraxtlarni umummavsumiy kurort barpo etiş loyihasiga asosan taşkil etilayotgan yaşil zonalarga yoki örmon fondining boşqa yerlariga köçirişga;

kam qimmatli daraxtlarni boşqa hududga köçiriş yoki daraxt kesganlik uçun tölovni amalga oşirmasdan bir tup kesilgan daraxt örniga kompensatsiya sifatida tuproq-iqlim şaroitiga mos 5−7 yillik 10 tup köçat ekişga;

nobud bölgan daraxtlarni belgilangan tartibda kesişga ruxsat berilgan.

Ekologiya vazirligi va Boş prokuratura:

• Çorvoq suv ombori va uning muhofaza zonasi suvlariga maişiy, işlab çiqariş çiqindilari va oqova suvlar oqizilişining oldini oliş ustidan doimiy va kompleks nazoratni ta’minlaşi;
• atrof-muhit ifloslanişining oldini oliş, sanitariya va ekologik me’yorlarga rioya qiliş va soğlom ekologik muhitni saqlaş böyiça “qat’iy çoralar” körişi;
• barça binolarni, şu jumladan, yangilarini xatlovdan ötkaziş, ekologik me’yorlarni buzgan obektlarni bartaraf etiş va aybdor şaxslarga nisbatan qonuniy çoralar körişi kerak böladi.

Boş prokuror örinbosari Salom Samadovga loyihaning şaharsozlik va ekologik talablar nuqtai nazaridan amalga oşirilişi ustidan qattiq prokuror nazoratini örnatiş tavsiya etilgan. Agar “Sea Breeze Uzbekistan” kompaniyasi yoki boşqa investorlar investitsiya majburiyatlarini bajarmasa, ijara şartlarini buzsa yoki Yer kodeksining 36−37 moddalarida nazarda tutilgan asoslar yuzaga kelsa, yer uçastkasini ijaraga oliş huquqi bekor qilinadi.

Infratuzilma obektlari uçun kredit ham olinadi

Infratuzilma obektlari uçun quruvçilardan undiriladigan tölovdan taşqari, avtomobil yöllari, içimlik va oqova suv ta’minoti, elektr tarmoqlari, gaz ta’minoti va aloqa, Çorvoq suv ombori hududida köprik quriş uçun davlat tomonidan taşqi qarz jalb qiliş ham rejalaştirilgan.

“Sea Breeze Uzbekistan” umummavsumiy kurort majmuasini barpo etiş böyiça respublika işçi guruhi taşkil qilinib, unga loyihani amalga oşirişda yuzaga keladigan taşkiliy masalalarni tezkorlik bilan hal qiliş vazifasi yuklatilgan. 13 kişilik işçi guruhga rahbar etib boş vazir örinbosari Jamaşid Xöjayev tayinlangan.

Eslatib ötamiz, 23 iyul kuni Toşkentda ötgan matbuot anjumanida ekologiya vaziri Aziz Abduhakimov investor tomonidan hali loyiha körib çiqiş uçun rasman kiritilmagani, tegişli hujjatlar taqdim etilgaç, vazirlik loyihani jamoatçilik muhokamasiga qöyişini aytgandi.

Dilşoda Şomirzayeva, Kun.uz