Limonchilikka ixtisoslashgan mahallalar infratuzilmasi yaxshilanadi

Quyidagilarni nazarda tutuvchi Limonchilikka ixtisoslashgan mahallalarning muhandislik-kommunikatsiya infratuzilmasini davlat budjeti mablag‘lari hisobidan qurish, rekonstruksiya qilish va mukammal ta’mirlash tartibi to‘g‘risida nizom tasdiqlanadi:

• limonchilikka ixtisoslashgan mahallarni xatlovdan o‘tkazish va hisobini yuritish tartibi;
• limonchilikka ixtisoslashgan mahallalarni tanlab olish va ko‘rib chiqish tartibi;
• mahallalarning muhandislik-kommunikatsiya infratuzilmasini qurish, rekonstruksiya qilish va mukammal ta’mirlash tartibi.

Kambag‘allikni qisqartirish va bandlik vazirligi Raqamli texnologiyalar vazirligi va «Turonbank» ATB  bilan birgalikda Online mahalla elektron platformasida davlat budjeti mablag‘lari hisobidan muhandislik-kommunikatsiya infratuzilmasini qurish, rekonstruksiya qilish va mukammal ta’mirlash uchun mablag‘lar ajratib borilishini ta’minlash maqsadida, limonchilikka ixtisoslashgan mahallalar va limon yetishtirish bilan shug‘ullanadigan xonadonlar to‘g‘risidagi ma’lumotlarni kiritish va limon yetishtirish bilan shug‘ullanadigan xonadonlar sonini ikki baravarga oshirgan mahallalarni inson omilisiz avtomatik ravishda aniqlash imkoniyati yaratish choralarini ko‘radi.

Iqtisodiyot va moliya vazirligi har yili davlat budjetining asosiy parametrlarini shakllantirishda limon yetishtirish bilan shug‘ullanadigan xonadonlar sonini ikki baravarga oshirgan mahallalarni muhandislik-kommunikatsiya infratuzilmasi bilan ta’minlash ishlari uchun davlat budjetidan O‘zbekiston ijtimoiy va ishlab chiqarish infratuzilmasini rivojlantirish dasturlari doirasida mablag‘lar ajratilishini nazarda tutadi.