Qoʻshimcha funksionallar
-
Tungi ko‘rinish
BMT Isroilning Qatarda HAMASga zarbasini qoraladi
Birlashgan Millatlar Tashkiloti Xavfsizlik kengashi Isroilning Qatarda HAMASga uyushtirgan zarbasini qoraladi va tinchlikka erishish uchun diplomatik sa’y-harakatlarni davom ettirishga chaqirdi. Isroil Qatardan hamaschilarni mamlakatdan chiqarib yuborishni talab qildi.
Birlashgan Millatlar Tashkiloti Xavfsizlik kengashi Isroilning Qatar poytaxti Dohaga bergan zarbasini qoraladi, u Falastinning HAMAS guruhi yuqori martabali vakillarini nishonga olgandi. Bu haqda 11 sentabr, payshanba kuni kengash saytida ma’lum qilindi.
«Xavfsizlik kengashi a’zolari asosiy vositachi hududi hisoblangan Dohaga yaqinda berilgan zarbalarni qoraladi. Ular tinch aholi halok bo‘lganidan chuqur afsusda ekanini bildirdi», — deyiladi Xavfsizlik kengashida. Kengash, shuningdek, «deeskalatsiyaning muhimligini» ta’kidladi va «Qatar bilan birdamlik»ni bildirdi.
«Kengash a’zolari garovga olinganlarni, jumladan, HAMAS jangchilari tomonidan o‘ldirilganlarni topshirish, G‘azo sektoridagi urush va azob-uqubatlarga chek qo‘yish bizning ustuvor vazifamiz bo‘lib qolishi kerakligini ta’kidladi», deyiladi yig‘ilish yakunlari bo‘yicha matbuot bayonotida. Unda tinchlikka erishish uchun Qatar, Misr va Qo‘shma Shtatlar vositachiligidagi diplomatik sa’y-harakatlarni davom ettirishga chaqirilgan.
