O‘zbekistonda dala yong‘inlari 27 ming gektardan ortiq maydonni qamrab oldi

Dala yong‘inlari 27 ming gektardan ortiq maydonni qamrab oldi. Bu haqda «O‘zbekkosmos» agentligi xabar berdi.

Agentlik tomonidan amalga oshirilayotgan davlat kosmik monitoringi dasturi doirasida 2025 yil may–avgust oylari mobaynida somon poyalarining noqonuniy yoqilishi holatlari yuzasidan 13 ta hududda jami 2 436 ta holat aniqlandi.

Umumiy holda yong‘inlar 27 000 gektardan ortiq maydonni qamrab olgan bo‘lib, eng katta zarar Toshkent viloyatida kuzatildi. 

Xususan, ushbu hududda 870 ta holatda 11 829 gektar yer maydoni yonib ketgan.