«O‘zbekiston» mehmonxonasi qarshisida Zeekr temir panjaraga borib urildi

Mirzo Ulug‘bek tumanida sodir bo‘lgan yo‘l-transport hodisasi haqida ma’lumot taqdim etildi.

Joriy yilning 28 sentabr kuni soat 20:30 larda Mirzo Ulug‘bek tumani Amir Temur ko‘chasi «O‘zbekiston» mehmonxonasi qarshisida yo‘l-transport hodisasi yuz berdi.

Haydovchi, 1992 yilda tug‘ilgan O.A. Zeekr rusumli avtomashinasini boshqarib ketayotib, rul boshqaruvini yo‘qotib, yo‘lni chetidagi temir panjaraga urilishi oqibatida yo‘l-transport hodisasi sodir bo‘lgan.

YTH natijasida piyodaga va haydovchiga shifokorlar tomonidan birinchi tez tibbiy yordam ko‘rsatilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.