Qoʻshimcha funksionallar
-
Tungi ko‘rinish
Aziz Mag‘rupov vakil lavozimidan olinib, maslahatchi o‘rinbosarligiga tushirildi
Aziz Mag‘rupov O‘zbekiston prezidentining hududiy rivojlanish bo‘yicha maslahatchisi o‘rinbosari lavozimiga tayinlandi va shu munosabat bilan prezidentning tashqi investitsiyalar bo‘yicha vakili lavozimidan ozod etildi.
Foto: Prezident matbuot xizmati
Yangi tayinlov bilan Mag‘rupovning vakolati investitsiya sohasidan hududiy rivojlanish yo‘nalishiga o‘tmoqda.
Aziz Mag‘rupov faoliyatini tashqi iqtisodiy aloqalar tizimida bosh mutaxassis lavozimidan boshlagan, keyinchalik O‘zbekistonning Rossiyadagi elchixonasida savdo-iqtisodiy masalalar bo‘yicha maslahatchi sifatida ishlagan.
2018–2023 yillarda prezident administratsiyasida prezident yordamchisi bo‘lgan. 2025 yil iyun oyida prezident yordamchisi lavozimidan ozod etilib, prezidentning tashqi investitsiyalar bo‘yicha maslahatchisi etib tayinlangan. 2025 yil iyul oyida prezidentning tashqi investitsiyalar bo‘yicha vakili lavozimiga o‘tgan (bu maqom malakalari bo‘yicha maslahatchi o‘rinbosariga tenglashtirilgan).
