Saudiya megaloyihasi «Oynali yo‘l» - strategik qayta ko‘rib chiqilmoqda

Qurilish uch yil avval boshlanganida, «Oynali yo‘l» Saudiya Arabistonining neft iqtisodiyotidan raqamli iqtisodiyotga o‘tish yo‘lidagi to‘xtovsiz taraqqiyoti ramziga aylanishi kerak edi.

Biroq loyiha ilgarilagan sari reallikka duch keldi. Gorizontal osmono‘par bino sifatida mo‘ljallangan «Oynali yo‘l» me’morlari bunday inshootni rejadagiday barpo etish mumkinmi yoki yo‘qmi, degan shubhalarni bildirdi. Qiymat oshdi, muddatlar surildi, Ar-Riyod umid qilgan chet el investitsiyalari esa kelmadi.

Bugunga kelib, kamida 50 milliard dollar sarf etilganiga qaramay, qurilish ishlari sahroda qator havozalar o‘rnatish bilan cheklandi, manzara bo‘ylab chuqur xandaqlar tortilgan. Rejalashtirilgan gorizontal osmono‘parning 20 ta «modul»i taxminan uchtagacha qisqartirilgan.

NEOM loyiha operatori «Oynali yo‘l»ni uzoq muddatli maqsad sifatida saqlanishini ta’kidlayotgan bo‘lsa-da, Financial Times nashri bilan suhbatlashgan ko‘plab insayderlar — me’morlardan tortib muhandislar va sobiq top-menejerlargacha — g‘oyaning fizika qonunlari, narx-navo va siyosiy realliklar bosimida amalda muvaffaqiyatsizlikka yuz tutganini qayd etdi.