Bir kilometrlik Jeddah Tower qurilishi: har hafta bitta qavat – yangi kadrlar

Internet tarmog‘ida Saudiya Arabistonida qurilayotgan bir kilometrlik osmono‘par bino - Jeddah Tower qurilish maydonidan olingan yangi video paydo bo‘ldi.

Videorolikda loyihani «muzlatishdan chiqarish» (qurilishni qayta tiklash) paytidan buyongi ishlar sur’ati yaqqol ko‘rinadi. Hozircha minora qurilishi yaxshi temp olgan — har hafta navbatdagi bir qavat qo‘shilmoqda. Qurilish 78-qavat darajasiga yetgan.

Kutilishicha, joriy yilning oxirigacha Jeddah Tower 83-qavatgacha yetishi, 2026 yil oxiriga borib esa, agar hozirgi sur’at saqlansa, 135-qavatgacha qurib bitkazilishi rejalashtirilgan. Shunda minora balandligi deyarli ikki baravarga ortadi.