Harbiylar öz harakatlarini «saylov natijalarini manipulyatsiya qiliş va mamlakatni beqarorlaştiriş rejasi aniqlangandan söng majburiy çora» sifatida izohlamoqda. Ularning ma’lumotiga köra, bu rejada ayrim siyosatçilar va narkotik bozorlar vakillari, şuningdek xorijiy şaxslar iştirok etgan.
Poytaxt Bissau şahrida prezident saroyi atrofida öq ovozlari eşitilgan. Prezident Embalo Jeune Afrique naşriga bergan ma’lumotida özi, içki işlar vaziri va Qurolli Kuçlar boş ştabi rahbari prezidentlik saroyida heç qanday zöravonliksiz qölga olinganini, lekin jarohat olmaganini aytgan.
23 noyabr kuni mamlakatda prezidentlik va parlament saylovlari bölib ötgan, ammo rasmiy natijalar 27 noyabrgaça e’lon qilinişi kutilayotgandi. Ham amaldagi prezident Embalo, ham uning asosiy raqibi Fernandu Diaş de Koşta özini ğolib deb e’lon qilgan, bu esa siyosiy taranglikni yanada kuçaytirgan.
Germaniya Taşqi işlar vazirligi Gvineya-Bissaudagi vaziyatni «beqaror» deb baholab, bu yerda bölib turgan fuqarolarni namoyişlar va odamlar töplanadigan joylardan, ayniqsa prezident saroyi atrofidan uzoqroq yurişga çaqirdi.
Umaru Sisoku Embalo 2020 yildan buyon prezident sifatida işlab kelayotgan edi, 2023 yil oxirida parlamentni tarqatib yuborgan, tanqidçilar esa uni muxolifatni bostiriş, jurnalistlar va inson huquqlari himoyaçilarini ta’qib qilişda ayblab kelgan. Gvineya-Bissau dunyodagi eng kambağal va siyosiy jihatdan inqirozli mamlakatlardan biri hisoblanadi.
