Hujjatga ko‘ra, ma’muriy videokuzatuv tizimlari asosida:
obodonlashtirish va qattiq maishiy chiqindilar bilan bog‘liq ishlarni amalga oshirish sohasidagi qonunbuzilishlar avtomatik tarzda qayd etiladi;
mahalla hududlarida giyohvand moddalar tarqatilishining oldini olishga ko‘maklashiladi.
Shuningdek, raqamli videodomofon tizimlari joriy etilib:
turar joy binolari atrofini doimiy nazorat qilish;
aholini tezkor xabardor qilish va fuqarolar bilan to‘g‘ridan to‘g‘ri qayta aloqa o‘rnatish imkonlari yaratiladi.
Loyiha doirasida dispetcherlik markazini o‘z ichiga olgan yagona shahar platformasi tashkil etiladi. U orqali:
mahallalar hududidagi holat tezkor monitoring qilinadi, xizmat ko‘rsatish ishlari yuzasidan nazorat kuchaytiriladi;
katta hajmdagi ma’lumotlar bazasi (Big Data) tahlili va sun’iy intellekt texnologiyalaridan foydalangan holda obodonlashtirish sohasini boshqarish sifati oshiriladi.
Mazkur axborot tizimlari fuqarolarning hayot sharoitini yaxshilash, mahallalarda tartib-intizom va xavfsizlikni ta’minlash, shuningdek, shahar boshqaruvida ochiqlik va javobgarlikni kuchaytirishga xizmat qilishi kutilmoqda.
