Trampning oltin kartasi sotuvi boşlandi. AQŞ undan “milliardlab” pul işlamoqçi

AQŞ Savdo vaziri Xovard Lutnikning aytişiça, dastur arizaçilarni puxta «background check» — kelib çiqiş va xavfsizlik tekşiruvlaridan ötkazadi. Bu ularning «Amerikada bölişga mutlaqo loyiq ekanini kafolatlaydi».

Arizaçilar Içki xavfsizlik departamenti tomonidan tekşirilgaç va tasdiqlangaç, ular 1 million dollar tölaşi şart böladi. Şunda ular «rekord vaqt içida AQŞ rezidentligini oladi» va qonuniy doimiy yaşovçi maqomiga ega böladi.

«Şaxs tekşiruv jarayoni yakunlanganidan söng 1 million dollarlik hadya uning AQŞga sezilarli foyda keltirişi isboti hisoblanadi. Şaxs har xil şaroitlarga qarab AQŞ Davlat departamentiga qöşimça kiçik tölovlar ham tölaşi mumkin», deyiladi rasmiy saytdagi tuşuntirişda.

«Milliardlab dollar yiğamiz»

Savdo vaziri Xovard Lutnikning aytişiça, dastur oldindan röyxatdan ötiş bosqiçida 10 mingga yaqin kişini jalb qilgan va u bu son yanada ortişiga işonadi. «Vaqt ötişi bilan biz minglab kartalarni sotamiz, bilasiz, milliardlab, milliardlab dollar yiğamiz,» dedi Lutnik Reutersʼga bergan qisqa intervyusida.

Lutnik, şuningdek, amaldagi grin-kart egalari örtaça amerikalikdan kamroq daromad topişini, Tramp esa buni özgartirmoqçi ekanini aytdi. Lekin, bu fikriga dalil keltirmadi.

«Xullas, vizalar öşa-öşa, lekin endi eng yaxşi odamlar bilan töldiriladi,» dedi Lutnik.

New York Times'ning yozişiça, maxsus saytda «Platinum card» haqida ham dastlabki ma’lumot berilgan.

U boşqa davlat fuqarolariga har yili 270 kungaça AQŞda yaşaşga va çet elda topilgan daromaddan soliq tölamaslikka ruxsat beradi. Platina karta oluvçilar 5 million dollar hamda 15 ming dollarlik qayta işlaş tölovi tölaşi kerak böladi.

Kartaning korporativ versiyasi

Savdo vaziri Xovard Lutnikning ta’kidlaşiça, Gold Card dasturining korporativ versiyasi ham mavjud bölib, kompaniyalarga AQŞda işlaşini istagan har bir xorijiy xodimlari uçun 2 million dollarlik badal evaziga oliş imkonini beradi. Kompaniyalar bir neçta karta olişlari mumkin, ammo har bir karta faqat bitta şaxsga biriktiriladi.

Donald Tramp ariza berayotgan korporatsiyalar uçun iş örinlari yaratiş talablari yoki dastur böyiça umumiy kvotalar haqida gapirmagan.

Trampga köra, biznes yetakçilari – «AQŞ universitetlaridan eng yaxşi bitiruvçilarni yollaşga uringan, ammo ularda qolişga ruxsatnomasi yöqligi sababli bunga erişa olmagan».

«Siz eng yaxşi universitet bitiruvçilarini yollay olmaysiz, çunki bu odamni uşlab qoliş-qolmasligingizni bilmay qolasiz,» dedi Tramp.

Uning aytişiça, dastur AQŞga «buyuk odamlar kelişini» anglatadi, çunki «ular zör insonlar böladi». U AQŞning yetakçi universitetlarida ta’lim olgan Xitoy, Hindiston va Fransiyadan bölgan talabalarni oltin karta olişi mumkin bölgan şaxslar qatorida tilga oldi. «Kompaniyalar juda xursand böladi,» dedi u.

«Boylarga imtiyoz»

Gold Card dasturi – Oq uy ma’muriyatining immigratsiya siyosatiga qarşi turuvçi Tramp versiyasi, deb yozmoqda Reuters. Prezident – bu jarayon özining tariflar dasturi kabi muvaffaqiyatli bölişini ta’riflagan.

Ba’zi demokratlar va migrant huquqlari himoyaçilari uşbu dasturni qoraladi, uni boy odamlarni adolatsiz tarzda ustuvor qöyişi bilan aybladi. Ayrimlar prezidentning bunday dastur yaratiş vakolati bor-yöqligini ham savol ostiga olmoqda.

Tramp özining siyosiy faoliyatini AQŞ-Meksika çegarasini kuçaytiriş va qat’iy immigratsiya siyosatini tarğib qiliş orqali qurdi. Uning ikkinçi ma’muriyati ham ön oydan ortiq vaqt mobaynida ommaviy deportatsiya va keng kölamli immigratsiya reydlarini amalga oşirmoqda.

Ötgan oy Vaşingtonda ikki milliy gvardiyaçiga qarata öq uzilgan otişmadan söng – AQŞning qonuniy immigratsiya tizimida ham keng kölamli özgarişlar kiritildi.

Federal rasmiylar 19 mamlakat fuqarolari topşirgan immigratsiya arizalarini vaqtinça töxtatdi. Şuningdek, ular boşpana arizalari böyiça qarorlarni ham muzlatdi va Bayden ma’muriyati davrida tasdiqlangan 50 mingdan ortiq boşpana arizasini qayta körib çiqişga va’da berdi.