Amorimning kutilmagan iste’fosi. «MYu» rahbariyatining qarori qançalik töğri?
|02:25 / 06.01.20269 38216 min
Uning iste’fosi «Lids» bilan öyingaça hal qilingan bölişi mumkin.
«Qaytaraman, men menejer bölişni xohlayman, boş murabbiy emas. Tuxel, Konte yoki Mourinio emas ismim, lekin “Mançester Yunayted” menejeriman va heç qayerga ketmoqçi emasman. Şartnomaga köra yana bir yarim yil şu işni qilaman, keyin hamma öz yölida ketaveradi. Sport direktori ham, skauting bölimi ham, men ham öz işimizni qilcak kifoya. Agar Gari Nevillning tanqidlari kimnidir xavotirga solsa, klubni almaştirişi kerak» – bu Ruben Amorim sönggi matbuot anjumanida aytgan gaplar.
«Bugungi davrda futbol realligi şunda – sen «Mançester Yunayted»dek klub bilan mavsumni 15-örinda yakunlaşing, «Grimbsi Taun» degan jamoadan mağlub bölişing, qator antirekordlarni yangilaşing mumkin, senga heç narsa bölmaydi, aksinça, Retklif çiqib yana uç yil işlaşing mumkinligini aytadi. Ammo klub rahbariyatiga qarşi gapirib qöysang, tamom, uç kun ham berişmaydi, jamoaning holati, qandaydir tahliliy körsatkiçlar, aslida APL va jahon çempioni bölgan klublar bilan bir qatorda, kuçli törtlikdan atigi uç oçkolik farqda ketayotganing ham qiziqtirmaydi. Jyeymi Karrager töğri aytadi – «Ruben Amorim ayni paytda klubga öz şartlarini qöya oladigan darajada kuçli pozitsiyada emasdi».
«Lids»ga qarşi öyindagi durangdan söng Ruben Amorim matbuot anjumanida «portladi». Ançadan beri davom etib kelayotgan tanqidlarga doş bera olmay, tanqidlar öqini boşqa tomonga, klub rahbariyati tomon yönaltirdi. Tabiiyki, bundan ham badtar şartlarda iste’foga çiqarilgan, ammo ğing deya olmaygan avvalgi murabbiylar oldida Ruben bunday yöl bilan nimagadir erişişiga işoniş qiyin edi.
Albatta, Rubenning iste’fosi keçagi yoki avvalgi kungi duranglar bilangina boğliq emas. Bu iste’foga qadamlar ança ilgari, hatto Amorim hali klubga kelmasidan ham oldin boşlangan. Keling, voqealar xronlogiyasini körib çiqamiz.
Voqealar rivoji
2024 yil, iyun. Avvalgi rahbariyat tomonidan tayinlangan Erik ten Hag mavsumdagi 8-örindan söng, iste’fo yoqasida turganida, may oyida Angliya kubogi finalida ğalaba qozondi. INEOS («Mançester Yunayted»ning yangi rahbariyati) taşqi bosim ostida niderlandiyalik mutaxassisga yana bir imkoniyat berişga qaror qiladi. Yozgi transfer oynasi aynan Erik ten Hag uçun taşkil qilinadi – Nussayr Mazraviy, Matteys de Liht, Joşua Zirkze va Manuel Ugarte kabi futbolçilar sotib olinadi.
2024 yil, noyabr. Qator muvaffaqiyatsizliklardan söng jamoa turnir jadvalining ikkinçi yarmiga tuşib ketadi va Erik ten Hag iste’foga çiqariladi. Ser Jim Retkliff (INEOS) «MYu»dagi eng işongan şaxs – klub boş direktori Omar Berrada «Sporting»da muvaffaqiyatli işlayotgan Ruben Amorim variantini ilgari suradi va u bilan kelişadi. Ma’lum bölişiça, klubning öşa paytdagi sport direktori, hali iş boşlaganiga köp bölmagan Den Eşfort bu nomzodga qarşi bölgan va aynan şu tufayli işdan böşatilgan. Asosiy ziddiyat Ruben Amorimning doim 3-4-3 sxemasida öynaşi va bu «MYu» tarkibidagi futbolçilarga mos kelmasligi xavfi bilan boğliq edi.
Mavzuga oid
Ruben Amorim uç yillik şartnomaga imzo çekadi. Şu bilan birga, Angliyaga kelişi bilanoq jamoa uning sxemasida harakat qilişini, barçasi şu yönalişda bölişini aytadi. Klub ham bu haqida xabardor bölgani va Amorim töliq qöllovga ega bölişiga kafolat berilgani tayin. Şu bilan birga, (bu muhim), Ruben Amorim rasman «boş murabbiy» deb e’lon qilinadi, «menejer» deb emas.
Farq şundaki, Angliyada «menejer» jarayon yuzasidan töliq nazorat örnatadi va transferlarda hal qiluvçi ovoz egasi böladi. Erik ten Hag aynan «menejer» sifatida qayd etilgan va uning davridagi bir qator muvaffaqiyatsiz transferlardan söng klub strukturasi özgarib, barçasi bir neça şaxslar tomonidan olib boriladigan bölgan.
2025 yil, yoz. Jamoa tarkibi Ruben Amorim tizimi uçun ham, talab qilinadigan mehnat etikasi uçun ham umuman mos emasligi oydinlaşadi. Aytiş mumkinki, klub ma’lum vaqt töliq Ruben Amorim tomonida turdi va Reşford, Sanço va Garnaço kabi futbolçilar tarkibdan çetlaştirilişida ham murabbiyni quvvatladi. Yozda hujum çiziğidagi uç nafar futbolçi uçun jami 200 million funtdan ortiqroq pul sarflandi. Ammo may oyidan beri Ruben köp bor talab qilgan intensiv markaziy yarimhimoyaçi varianti amalga oşmadi. Transferlar oynasining sönggi kunlarida «Brayton» yarimhimoyaçisi Karlos Baleba uçun harakat qilingan bölsa-da, urinişlar besamar yakunlandi. Insayder Ben Jyeykobsning aytişiça, Ruben Amorim oldingi çiziqdagi uç futbolçini tanlarkan, markaziy yarimhimoyaçi olinmasligiga ham rozi bölgan.
Xullas, ötgan ikki tranfer oynasida jami 270 million funtga yaqin pul sarflanib, Patrik Dorgu (qişki transferlar oynasida), Benjamin Şeşko, Brayan Mbeumo, Mateus Kunya va darvozabon Senne Lammens olib kelindi. Murabbiyga töğri kelmagan Markus Reşford, Alexandro Garnaço, Rasmus Hoylund, Andre Onana kabi futbolçilar jamoani tark etişdi.
2025 yil, oktyabr. Jamoa mavsumni juda yomon boşladi. Dastlabki 6 turda 2 ğalaba, bir durang va uç mağlubiyat qayd etildi. Eng yomoni, jamoa Liga kubogida quyi liga vakili «Grimsbi Taun»dan penaltilar seriyasida mağlubiyatga uçradi. Bosim oşib, murabbiyning iste’fosi uçun kun sanalayotgan bir paytda Jim Retkliff çiqib, Rubenga töliq işonişini, u yana uç yil «MYu» boş murabbiyi sifatida qolişini ta’kidladi.
Bu bayonotdan söng jamoadagi mavhumliklar barham topdi va bu jamoa öyinida ham namyoon böldi. «MYu» «Sanderlend», «Liverpul» va «Brayton» kabi jamoalarni mağlub etib, safarda «Nottinghem» va «Tottenhem» bilan durang öynadi. Göyoki hammasi öz örniga tuşgan, progress aniq körilayotgan, jamoa yölga tuşib olgandek edi.
Ammo keyingi öyinlarda öyinda yana pasayiş boşlandi va jamoa bir yerda depsinib turgandek tasavvur uyğotdi. «Brayton»ga qarşi bahsdan keyingi 11 öyinda atigi 3 ğalabaga erişildi. Ayniqsa, turnir jadvalining quyi qismida borayotgan «Everton», «Vest Hem», «Bormunt» va «Vulverhepton»ga qarşi «Old Trafford»dagi duranglarni qabul qiliş juda qiyin edi. Tasavvur qiling, mana şu öyinlarda ğalaba qozonilganida, ayni paytda jamoa işonç bilan kuçli törtlikda borayotgan bölardi. Bu yöqotişlarga aniq sababni keltiriş ham qiyin, göyoki, jamoa yomon öynamayotgandek, tarkib ham yomon emas, lekin mazkur öyinlardagi muammolarni hatto murabbiy bilmaganki, keyingi öyinlarda xatolar tuzatilmadi, ayni şu muammolar davom etaverdi.
2025 yil, dekabr. «Bornmut» futbolçisi Antuan Semenyoni 65 million funtga qölga kiritiş varianti paydo bölganida «MYu» ham xaridorga aylangani ijobiy voqea edi – demak, kerak bölganda yanvar oyida transferlar uçun pul bor. Ruben Amorim ham köp matbuot anjumanlarida yanvardan foydalaniş mumkinligiga işora qila boşladi. Zero, aslida yaxşi harakat qilinsa, yanvar ham kuçayiş uçun yaxşi imkoniyat – ötgan mavsumda inqirozga tuşgan «Mançester Siti» tört nafar futbolçi uçun 250 million yevro pul sarflagandi. «MYu»ning özi öz vaqtida Bruno Fernandeşni aynan yanvar oyida sotib olganini va bu jamoa mavsumni kuçli törtlikda yakunlaşiga katta hissa qöşganini eslaş mumkin.
Ammo Semenyo «Mançester Siti»ni tanlagaç, klub asosiy transferlarni yozga qoldirdi va yanvarda faol bölmaslikni tanladi. Birinçi sabab, asosiy nişonlar bölmiş Karlos Baleba, Elliot Anderson kabi futbolçilarni qölga kiritiş yozda osonroq bölişi. Ikkinçi sabab, ayni paytda işonçsiz körinayotgan jamoaga, aniqroği, murabbiyga qöşimça investitsiya qilmaslik va mavsum qanday davom etişiga qarab xulosa qiliş.
Fernandeş, Maunt, Maynu, de Liht, Maguayr kabi futbolçilarning jarohati, yana uç futbolçining (Mbeumo, Amad, Mazraviy) Afrika kubogiga ketişi munosabati bilan deyarli asosiy tarkib futbolçilarisiz qolgan Ruben Amorim uçun esa köproq ikkinçi sabab işonçlidek körindi va klub uni deyarli himoya qilmayotgandek tuyula boşladi. Sönggi turlardagi qoniqarsiz natijalar, matbuotdagi tanqidlar klub rahbariyatiga ta’sir qilayotganini taxmin qilgan Ruben Amorim omma oldida, matbuot anjumanida maqola boşida keltirilgan sözlarni aytdi va rasman klub oldiga ultimatum qöydi – yo meni töliq quvvatlaysiz yoki iste’foga çiqaring. Quvvatlaş deganda, aynan yuqoridagi «menejer» va «boş murabbiy» atrofidagi mulohazalar tuşuniladi, ya’ni Ruben Amorim klub doirasida kengroq hokimlikni öz qöliga olmoqçi, kimni va qaçon sotib olinişiga köproq ta’sir qilmoqçi edi.
Albatta, bunday talablar içkarida avvalroq kuzatilganiga şubha yöq, murabbiyning klub sport direktori Jyeyson Uilkoks bilan ziddiyati haqidagi xabarlar bekorga çiqmagandi. Ammo kuraşning oçiq maydonga köçişi – klub rahbariyatida boşqa yöl qoldirmadi va uşbu matbuot anjumanidan bir kun ötib, portugaliyalik mutaxassis iste’foga çiqarildi.
The Telegraph naşri yozişiça, Ruben Amorimning iste’fosi aslida «Lids»ga qarşi öyinidan oldin, ya’ni olovli matbuot anjumanidan oldinroq ham körib çiqilgandi. Manbaning aytişiça, Uilkoks Amorim bilan jarayonni ijobiy ruhda muhokama qilişga uringan, ammo gap 3-4-3 sxemasi haqida borganda, portugaliyalik murabbiy qattiq ziddiyatga borib, özini tuta olmagan.
Ruben Amorim qanday işladi?
Ruben Amorim öz uslubiga ega bölgan, öziga yaraşa xarizmaga ega iqtidorli murabbiy. Ammo aytiş mumkinki, Mançesterdagi bir yillik faoliyati davomida asosan umid berdi. Yetarliça vaqt va ba’zi transferlardan keyin ham öyindagi ba’zi muammolar hal qilinmadi.
2025 yil yanvarida «Mançester Yunayted» «Enfild»da peşqadam «Liverpul» bilan durang (2:2) öynagan, öşa öyin nihoyat Amorim tizimi işlaşni boşlaganidan darak bölgandi. Lekin oradan bir yil ötdi hamki, jamoa hali ham öşa nuqtada turgandek taassurot uyğotmoqda. Ba’zi alohida öyinlarda jamoa juda yaxşi öyin körsatsa-da, bu işlanmalar saqlangan holda bir neça öyinda muvaffaqiyat qozoniş, natijalarni barqarorlaştiriş imkoni bölmadi. «Mançester Yunayted» Amorim qöl ostida faqat bir marta ketma-ket uç ğalabaga erişgani, hali biror marta qatorasiga ikki öyinni gol ötkazmay yakunlaşni uddalay olmagani mana şu beqarorlikni isbotlaydi.
Ruben Amorim tarkib töliq şakllanmagani, yana bir qator transferlar qiliş lozimligini har qança aytişi mumkin, ammo ayni paytdagi mavjud tarkib bilan «Vulverhempton», «Vest Hem» va «Everton» kabi jamoalar «Old Trafford»da mağlub etilişi şart edi. Yevrokuboklarsiz, haftada bir öyin rejimida aslida Ruben Amorim uçun yetarliça tarkib va ijroçilar bor ekanini tan oliş kerak.
Har qanday dogmatik, öz uslubiga ega bölgan murabbiylar ham öz qölida mavjud tarkib bilan, har bir futbolçining eng yaxşi xususiyatlari örtaga çiqadigan, kamçiliklari yopiladigan tizim yaratişga urinişi kerak. «Mançester Yunayted»da esa aksinça, futbolçilarning ustun jihatlari namoyon böliş örniga, doim kamçiliklari yuzaga çiqa boşladi. Tabiiyki, özi uçun noqulay şartlarda futbolçi baxtsiz böladi, bor imkoniyatini işga soliş, vaziyatlardan foydalanişda sovuqqonlik yöqoladi. Ruben Amorim qoğozda juda yaxşi, yakunda işlaşi mumkin bölgan tizimga ega bölişi mumkin, lekin ötgan bir yil davomida futbolçilar öyindan zavq olmagani, özini berilgan vazifalar uçun mos emas deb hisoblamagani ham fakt.
Iste’fo örinli edimi?
Amorim turmuş örtoği bilan klub bazasini tark etmoqda. Şartnoma bir tomonlama bekor qilingani uçun unga 9 mln funt miqdorida tovon puli tölanadi
Odatda boş murabbiyning iste’fosi uçun sabablar turliça böladi. Birinçi variant, jamoa natijalari mutlaqo yomonlaşib, murabbiy boşqaruvni butunlay yöqotib qöyişi. Ötgan mavsumning har qanday davrida, uşbu mavsum boşida ham uşbu sabab bilan iste’fo röy berişi mumkin bölgan paytlar böldi, ammo klub heç birida bunday qarorga kelmagandi. Hozirda jamoa juda köp yöqotişlar va muammolar bilan ham kuçli törtlikdan atigi 3 oçko ortda bormoqda va Çempionlar Ligasi yöllanmasi uçun kuraşişda davom etyapti. Mavsum boşida klub asosiy maqsad – kuçli oltilikka kiriş va kamida Yevropa Ligasiga yöllanma oliş ekanini ma’lum qilganidan kelib çiqilsa, ayni paytda bu grafik buzilgani yöq.
Ikkinçi sabab, aksariyat futbolçilar bilan kelişmovçiliklar. Har qanday klub baribir futbolçilar uçun köproq pul tölaydi, ular asosiy aktiv hisoblanadi. Şunday ekan, ba’zida yetakçi futbolçilar bilan ziddiyatlarda boş murabbiydan voz keçiladi. Ruben Amorimning tarkibdagi ba’zi futbolçilar bilan ziddiyati bölsa-da, klub doim murabbiyning yonida bölgan va bugungi tarkib töliğiça Amorimga qarşi emasligi şubhasiz.
Uçinçi sabab esa albatta, rahbariyat bilan ziddiyatlar. Avvalroq «Nottinghem Forest»da, yaqinda «Çelsi»da bölganidek, boş murabbiyning klub iyerarxiyasi bilan ziddiyati aksariyat holatlarda keçirilmaydi. Şu bilan birga, biz «Mançester Siti» Pep Gvardiolani qaysidir sözi uçun böşatib yuboradigan vaziyatda emasmiz. Hatto ötgan mavsumdagi ikki sovrindan keyin «Çelsi» Mareskani böşatib yuborgani köproq tuşunarsiz edi. Ya’ni «Mançester Yunayted» Ruben Amorimni böşatib yuborişida asosli sabablar ham, mantiq ham köproq topiladi.
Eng yomoni iste’fo mana şunday asosli sabablar ortidan emas, matbuot anjumanidagi fikrlar sababli bölayotganidir. Bu vaziyatda tabiiyki, qandaydir tahliliy körsatkiçlar, asosli xulosalar emas, Retkliffning jahli çiqqani köproq ahamiyat kasb etmoqda. Mavjud muammo hal qilinişi örniga kimdir jazolandi, xolos.
Jamoani mavsum oxirigaça Darren Fletçer boşqarişi, nomzodlar esa yozgaça körib çiqilişi aytilmoqda. Nimanidir eslatmayaptimi? Bundan yetti yil oldin boşqa bir portugaliyalik mutaxassis işdan böşatilgan, örniga esa klub sobiq afsonasi vaqtinça kelib, şu bilan uç yil qolib ketgandi. Fletçer agar mavsumning qolgan yarmida yaxşi işlasa, unda ham Sulşernikidaqa imkoniyat bölarmikin?
