Ataka – hamla, lager – jamloq. Mudofaa sohasiga oid atamalarning o‘zbekcha muqobili taklif etilmoqda

Xabar qilinishicha, xorijiy atamalarni o‘zbekcha muqobillariga almashtirish bo‘yicha tegishli tashkilotlar ishchi guruhlari yuborgan takliflar Atamalar komissiyasining ishchi kengashi tomonidan ko‘rib chiqildi.

Ro‘yxatdan 41 ta atama o‘rin olgan bo‘lib, ularning o‘zbek tilidagi muqobili Mudofaa vazirligi tomonidan taklif etilgan.

Jumladan, ataka – hamla, kaska — dubulg‘a, protivogaz — gazniqob, dozor – erovul, dubinka — tayoq, blokpost — to‘siqpost, lager – jamloq, poligon — dala o‘quv maydoni.

Ishchi organ ushbu taqdim etilgan atamalarning milliy muqobillari bo‘yicha boshqa fikr va mulohazalarni ham mamnuniyat bilan qabul qiladi va ko‘rib chiqadi.

Fuqarolar o‘z fikr-mulohazalarini quyidagi havola orqali yozib qoldirishi mumkin. Agar o‘zbekcha muqobil variant yoqmagan bo‘lsa, unda uchinchi javob varianti o‘rnida o‘z takliflarini ham bildirishlari ham mumkin.