Chet tili 1-fan bo‘lgan ta’lim yo‘nalishlariga qabulda yangi talablar belgilandi

Hukumat qarori bilan oliy ta’limga qabul qilish tartibiga kiritilgan o‘zgartishlarga ko‘ra, fanlar majmuasida chet tili 1-fan sifatida belgilangan ta’lim yo‘nalishlariga hujjat topshirish kamida B1 darajadagi milliy yoki xalqaro sertifikat asosida amalga oshiriladi.

Foto: Kun.uz

Hujjatga muvofiq, chet tili fani fanlar majmuasida mavjud bo‘lgan ta’lim yo‘nalishlariga qabulda sertifikat darajasiga qarab quyidagicha ball beriladi:

B1 darajadagi milliy yoki xalqaro sertifikatga ega abituriyentlarga — ushbu fan bo‘yicha belgilangan maksimal ballning 75 foizi miqdorida ball beriladi.

B2 va undan yuqori darajadagi sertifikatga ega abituriyentlarga — ushbu fan bo‘yicha belgilangan maksimal ball beriladi.

Shu bilan birga, ilgari fanlar majmuasida chet tili birinchi fan bo‘lgan yo‘nalishlarga qabul kamida B2 darajadagi sertifikat talab qilingan.