Loyihaga ko‘ra, davlat va nodavlat maktabgacha ta’lim tashkilotlarida ishlayotgan pedagoglar to‘lov-shartnoma asosida o‘qish imkoniyatiga ega bo‘ladi. Dual ta’lim shaklida ta’lim oluvchilar haftaning bir kuni pedagogika oliy ta’lim tashkilotida, besh kuni esa maktabgacha ta’lim muassasasida faoliyat olib boradi.
Shuningdek, maktabgacha ta’lim yo‘nalishi bo‘yicha dual ta’lim shaklida bakalavrlar tayyorlash yo‘lga qo‘yilishi rejalashtirilgan pedagogika oliy ta’lim tashkilotlari ro‘yxati ham e’lon qilindi.
Mazkur yo‘nalishga hujjat topshiruvchi abituriyentlar har yili 5 iyundan 25 iyungacha bir bosqichda ro‘yxatdan o‘tkaziladi. Ro‘yxatdan o‘tish jarayonida ular ta’lim yo‘nalishi, ta’lim tili va test topshirish hududini tanlaydi.
