Argentina – jahon çempionati finalida. Lionel Skaloni şogirdlari Angliyaga qarşi öyinning sönggi daqiqalarida iroda körsatib, ğalaba qozondi (2:1). Endi «Albiselesta» finalda Ispaniyaga qarşi maydonga çiqadi.
Futbol maydonlaridan taşqarida ham qiziqarli voqealar bölib ötmoqda: fransuzlar himoyaçisi Lyuka Din nafrat tölqiniga duç keldi, Kilian Mbappe esa himoyaga yordam berişda eng yomon futbolçi deb topildi.
Buyuk kambek
Angliya – Argentina 1:2
Gollar: Gordon, 55 (1:0). Fernandes, 85 (1:1). L. Martines, 90+2 (1:2)
Angliya: Pikford, Stouns (Reşford, 90+6), Geyi, Spens (Toni, 90+6), Jyeyms (ÖRayli, 82), Rays (Byorn, 82), Anderson, Bellinghem, Gordon (Konsa, 72), Rodjyers, Keyn
Argentina: E. Martines, L. Martines (Montiel, 72), Romero, Molina (Otamendi, 72), Talyafiko (L. Martines, 81), Paredes (Gonsales, 64), Makallister, Fernandes, Simeone (de Paul, 72), Alvares, Messi
Ogohlantirişlar: Anderson, 37 – L. Martines, 42. Romero, 51. de Paul, 90
«Biz uni yuz foizga zararsizlantira olmasligimizni juda yaxşi tuşunib turibmiz... ammo biz bir yölini qilamiz», – degandi öyindan oldin Angliya milliy jamoasi boş murabbiyi Tomas Tuxel Lionel Messi haqida.
Germaniyalik mutaxassisning rejasi avvaliga çindan ham iş berdi – inglizlar birinçi bölimda taktik follar va ehtiyotkorona öyin bilan Messini ham, butun Argentinani ham tiyib turdi. Va özini ham
– yarimfinalning birinçi bölimi xavfli vaziyatlar bilan emas, xavfli harakatlar bilan yodda qoldi. Buni yaqqol ifodalaydigan oddiy fakt: dastlabki yarim soat mobaynida jamoalar biror marta ham darvoza tomon zarba berişmadi. Opta ma’lumotiga köra, bu jahon çempionati tarixida ilk bor şunday bölişi.
Ammo ikkinçi bölimda vaziyat özgardi. Inglizlarning 55-daqiqada uyuştirgan golli hujumi öyinni oçib yubordi – Entoni Gordon Morgan Rodjyers qanotdan uzatgan töpni yaqin masofadan darvoza töriga kiritib yubordi.
Ötkazib yuborilgan gol argentinaliklarni oldinga çiqişga majbur qildi – ular raqib darvozasi tomon tez-tez yaqin borişdi va Jordan Pikfordni bir neça bor qahramonlik körsatişga majbur qildi.
Skaloni futbolçilarni almaştiriş orqali hujum çiziğini kuçaytirdi, Tuxel esa oldingi çiziq vakillari örniga himoyaçilarni tuşirdi.
