Migrantlarga bosimni kuçaytirayotgan Rossiya va Kanadada örmon yonğinlari – kun dayjesti

Rasmiyning sözlariga köra, şu tufayli migrantlar bir şahardan ikkinçisiga «nazoratsiz» köçib öta olmaydi. Şuningdek, hukumat telefon yordamida migrantlarni hujjati muddati tugayotgani yoki davlat idorasiga borişi kerakligi haqida ogohlantirişni ham rejalaştirmoqda.

2025 yil sentabr oyidan boşlab Moskvada tajriba ötkazilmoqda: unga köra, işlaş uçun kelgan barça xorijliklar öz joylaşuvi – geolokatsiyasini körsatib turuvçi «Amina» ilovasini örnatişi şart.

Kanadada örmon yonğinlari

Kanadaning Ontario provinsiyasida 100 dan ortiq örmon yonğinlari davom etmoqda, şimoli-ğarbdagi bir neçta aholi punktlari xavf ostida qolgan. Yonğin tutuni Torontoni ham qopladi; şahar aholisi çorşanba tongini ğuborli osmon va dunyodagi eng yomon havo sifati körsatkiçi bilan qarşi oldi.

Tarmoqlarda tarqalgan videolarning birida örmon yonğini qurşovida qolgan yuk poyezdi va şoşilinç yordam sörayotgan işçilar aks etgan. «Bu yonğin bizni butunlay qamrab olişi mumkin, vaziyat biroz qörqinçli tus olmoqda», deydi ekipaj a’zolaridan biri poyezd yonayotgan daraxtlar orasidan ötib ketayotganda.

Kanada rasmiylari Armstrong yaqinida qolib ketgan işçilarning barçasi xavfsiz joyga evakuatsiya qilinganini va uşbu hududda temiryöl harakati vaqtinça töxtatilganini ma’lum qildi.

Kanada örmon yonğinlari markazi ma’lumotlariga köra, ayni paytda mamlakat böylab 838 ta faol örmon yonğini davom etmoqda.

Kuçli issiq, quruq ob-havo va kuçli şamol tufayli Kanada bilan çegaradoş bölgan AQŞning Minnesota ştatida ham öndan ortiq yonğinlar yuz bermoqda.

Mazkur örmon yonğinlari yaqin kunlarda tutunning — yakşanba kuni Jahon çempionati finali bölib ötişi rejalaştirilgan Nyu-Jyersiga ham yetib borişi borasidagi xavotirlarni kuçaytirdi.

Ukrainadagi uruş va siyosiy özgarişlar

Ukraina Oliy Radasi 14 iyul kuni boş vazir Yuliya Sviridenkoning iste’fosini qabul qildi. Yangi vazirlar mahkamasi payşanba kuni e’lon qilinişi kutilmoqda. Ukraina OAVlarining xabar berişiça, «Naftogaz» rahbari Sergey Koretskiy boş vazir lavozimiga eng asosiy nomzod bölib turibdi.

Oliy Rada deputatlarining ma’lum qilişiça, Ukraina mudofaa vaziri Mixaylo Fedorov öz lavozimini tark etadi. Uşbu lavozimga hozirgi içki işlar vaziri Igor Klimenko nomzodi taklif qilinadi.

Hozirça rasmiy e’lon berilgani yöq, biroq Fedorov ijtimoiy tarmoqlardagi postida öz iste’fosini amalda tasdiqladi. Fedorov Zelenskiy tomonidan mudofaa vaziri lavozimiga 2026 yilning yanvar oyida tayinlangandi.

Prezident Volodimir Zelenskiy parlamentdagi yiğilişda Fedorov va Qurolli kuçlari boş qömondoni Aleksandr Sirskiy örtasida uzoq vaqtdan beri davom etayotgan tizimli ziddiyat mavjudligini aytgan. Ular uruşga turliça qaraşgan.

Ukraina böylab uruş ham davom etmoqda. Mahalliy rasmiylarning ma’lum qilişiça, tunda va çorşanba kuni Ukraina böylab amalga oşirilgan Rossiya hujumlarida 14 kişi halok böldi.

Xususan, Qora dengiz böyidagi Odessa port-şahriga uyuştirilgan «yalpi» dron va raketa zarbasi oqibatida uç kişi halok böldi. Şuningdek, mamlakat şimoli-şarqidagi Sumi va Zaporijjya şaharlarida 6 kişi hayotdan köz yumgan.

Avvalroq Rossiya mudofaa vazirligi Odessaga hujum qilganini tasdiqlab, «yoqilği-moylaş materiallarini tuşiriş uçun foydalaniladigan» port infratuzilmasini nişonga olganini ma’lum qilgandi.

Bu voqealar Azov dengizidagi Rossiya kemalariga qilingan şiddatli hujumlardan söng yuz berdi. «Reuters» axborot agentligi xabariga köra, Ukrainaning uşbu hujumlari Rossiyani Azov dengizida yuk taşişni çeklaşga majbur qilgan.

Harbiy harakatlar va siyosiy özgarişlar davom etayotgan vaqtda Yevropa Komissiyasi rahbari Ursula fon der Lyayyen çorşanba kuni Kiyevga keldi. Taşrifdan maqsad Yevropa va Ukraina mudofaa sanoati örtasidagi hamkorlikni, şuningdek, Ukrainaning Yevroittifoqqa a’zo böliş jarayonini muhokama qiliş.

Tramp tasvirlangan tanga

AQŞ Zarbxonasi mamlakatning amaldagi prezidenti Donald Tramp tasviri tuşirilgan yangi bir dollarlik tangani zarb etişga tayyorgarlik körmoqda. Moliya vaziri Skott Bessent çorşanba kuni yangi «oltin tanga» eskizlarini taqdim etdi. Tanganing bir tomonida Trampning profili va uning yonida «Biz Xudoga işonamiz» iborasi aks etgan.

Moliya vazirligi va Zarbxona uşbu tangalarning çiqariliş hajmi, muddati, qanday materialdan tayyorlanişi hamda ularni qayerdan oliş mumkinligi töğrisida hozirça izoh bermadi.

AQŞ OAVlariga köra, amaldagi prezident tasvirining Amerika esdalik tangalarida aks ettirilişi juda kam uçraydigan holatdir. AQŞda davlat rahbari tasvirlangan tangalar odatda faqatgina ular vafot etganidan keyin çiqariladi.

Bungaça bölgan yagona istisno — AQŞ mustaqilligining 150 yilligi munosabati bilan 1926 yilda çiqarilgan 50 sentlik tanga bölgan edi. Öşa tanganing old tomonida AQŞning birinçi prezidenti Jorj Vaşington va öşa paytdagi amaldagi prezident Kelvin Kulidjning rasmi tasvirlangandi.