Prezidentning tegishli qarorlari bilan Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi () rahbariyati o‘zgardi. Bu haqda prezident matbuot xizmati xabar qildi.
Ahadxon Ikromjonovich Isoqjonov Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshlig‘i lavozimiga tayinlandi.
Shu bilan birga, Dadajon Aynaqulovich Isaqulov boshqa ishga o‘tishi munosabati bilan mazkur lavozimdan ozod etildi. U 2025 yil noyabridan buyon «O‘zenergoinspeksiya»ga rahbarlik qilayotgandi. Undan oldin turli yillarda «O‘zbekenergo» raisi o‘rinbosari, «O‘zdavenergonazorat» inspeksiyasi boshlig‘i, «O‘zbekiston milliy elektr tarmoqlari» boshqaruvi raisi kabi lavozimlarda ishlagan.
Ahadxon Isoqjonov 1978 yilda Namangan viloyatida tug‘ilgan, 2002 yilda Namangan muhandislik-iqtisodiyot institutini, 2010 yilda prezident huzuridagi Davlat va jamiyat qurilishi akademiyasini hamda 2023 yilda Toshkent kimyo-texnologiya institutini (sirtqi) tamomlagan.
Mazkur tayinlovga qadar u Sanoat, radiatsiya va yadro xavfsizligi qo‘mitasi raisining birinchi o‘rinbosari lavozimida ishlagan. Bundan avval esa «O‘ztransgaz» aksiyadorlik jamiyati boshqaruvi raisining ishlab chiqarish bo‘yicha birinchi o‘rinbosari – bosh muhandisi vazifasini vaqtincha bajaruvchi sifatida faoliyat yuritgan.
