Toshkentdagi bir qator bozor va savdo komplekslari ommaviy sotuvga chiqariladi. Bu 27 iyulda imzolagan «Toshkent shahrini 2026−2027 yillarda ijtimoiy-iqtisodiy rivojlantirish bo‘yicha qo‘shimcha chora-tadbirlar to‘g‘risida»gi prezident belgilangan.
Qarorga ilova qilingan ro‘yxatdan «Aviasozlar», «Qoraqamish», «Qo‘yliq», «Navro‘z», «Sergeli», «Farhod» dehqon bozorlari, «Bek to‘pi» va «O‘rikzor» savdo komplekslari bor. Umuman olganda, Navro‘z bozorining 7 ta, Sergeli bozorining 6 ta, Qoraqamish bozorining 5 ta filiali va Yunusobod bozorining 2 ta shoxobchasi ham auksionga chiqariladi.
Mazkur ob’yektlarni sotuvga tayyorlash va savdolarni tashkil etishda «Toshkent invest kompaniyasi» buyurtmachi sifatida ishtirok etadi. Kompaniya har bir ob’yekt bo‘yicha tayyor biznes loyihasini ishlab chiqadi va shu asosda aktivlar savdoga qo‘yiladi. Bunda ko‘chmas mulk utilizatsiya qiymati bo‘yicha, yer uchastkalari esa yer solig‘i stavkasining eng yuqori pasaytiruvchi koeffitsiyenti qo‘llanilgan holda baholanadi.
Sotuvga qo‘yiladigan bozor va savdo komplekslari o‘rnida zamonaviy ekobozorlar, savdo va xizmat ko‘rsatish markazlari, ko‘ngilochar majmualar hamda ko‘p qavatli avtoturargohlar tashkil etish sharti belgilangan.
