Hafta avvalida kuzatiladigan 31–36 darajali mo‘’tadil issiqlik g‘o‘za, sabzavot va bog‘dorchilik ekinlarida parvarish ishlarini samarali tashkil etish uchun qulay imkoniyat yaratadi. Hafta o‘rtasida ayrim hududlarda kuchli shamollar tuproq namligining tez yo‘qolishi va yosh o‘simliklarga mexanik ta’sir ko‘rsatishi mumkin. Tog‘li hududlarda kutilayotgan jala yog‘inlari mahalliy sel oqimlari xavfini oshirishi ehtimoli bor.
Dam olish kunlariga kelib +40…+42 darajali jaziramaning qaytishi sug‘orishga bo‘lgan ehtiyojni yana oshiradi. Shu bois sug‘orish ishlarini ertalab yoki kechqurun amalga oshirish, shamolli kunlarda kimyoviy ishlovlarni cheklash hamda bog‘ va poliz ekinlarida namlikni saqlash choralarini kuchaytirish maqsadga muvofiq bo‘ladi.
