Sog‘liqni saqlash vazirining 2026-yil 31-iyuldagi 25-son buyrug‘i bilan vazirlik tomonidan qabul qilingan ayrim idoraviy normativ-huquqiy hujjatlarga o‘zgartirishlar kiritildi. Hujjat 7-avgust kuni Adliya vazirligida 3919-son bilan davlat ro‘yxatidan o‘tkazilgan.
O‘zgartirishlar 2026-yil 11-iyunda qabul qilingan, giyohvandlik vositalari, psixotrop moddalar yoki ularning analoglari hamda kuchli ta’sir qiluvchi moddalarning qonunga xilof muomalasi uchun javobgarlikni takomillashtirishga qaratilgan qonunga muvofiq kiritilgan.
Xususan, 2018-yilda tasdiqlangan dorixona sharoitida «angro» mahsulotini qadoqlash, o‘rash, markirovka va realizatsiya qilish tartibi to‘g‘risidagi nizomga o‘zgartirish kiritildi.
Undagi «giyohvandlik vositalari va ularning analoglari, psixotrop moddalar» degan so‘zlar «giyohvandlik vositalari, psixotrop moddalar yoki ularning analoglari» degan tahrirda bayon etildi.
Shuningdek, tibbiyot tashkilotlarida dori vositalarini tayinlash, xalqaro patentlanmagan nomlanishi bo‘yicha retseptlarni rasmiylashtirish hamda bemorning dori vositalarini qabul qilish, saqlash va qo‘llash tartibi to‘g‘risidagi nizomga ham xuddi shunday o‘zgartirish kiritildi.
Buyruq rasmiy e’lon qilingan kundan e’tiboran kuchga kiradi.
