Kolumbiyadagi vayronkor zilzila oqibatlari – suratlar

10-avgust kuni Kolumbiya g‘arbida 7,4 magnitudali zilzila ro‘y berdi – bu mamlakat uchun so‘nggi o‘n yilliklardagi eng jiddiy tabiiy ofatga aylandi. AQSh Geologiya xizmatiga ko‘ra, zilzila epimarkazi poytaxt Bogotadan taxminan 400 kilometr g‘arbdagi San-Xose-del-Palmar munitsipalitetida joylashgan. Zilzila Kali (mamlakatning eng yirik uchinchi shahri) va boshqa shaharlar, jumladan, Pereyra, Kibdo va Manisalesga ham ta’sir ko‘rsatgan. Shuningdek, qo‘shni Venesuela, Ekvador va Panamada ham silkinish kuchini his qilishgan. So‘nggi ma’lumotlarga ko‘ra, Kolumbiyada zilzila oqibatida 132 kishi halok bo‘lgan. Mamlakat prezidenti Abelardo de la Esprielyaning so‘zlariga ko‘ra, 1600 ga yaqin bino shikastlangan, shundan kamida 61 tasi butkul vayron bo‘lgan. Mamlakatda favqulodda holat rejimi e’lon qilingan. Qutqaruvchilar xarobalarni tozalash ishlarini davom etmoqda va bu qurbonlar soni ortishiga olib kelishi mumkin.