Oliy Majlis Qonunchilik palatasi 11-avgust kuni qonunchilikda qo‘llanadigan ayrim xorijiy atamalarni o‘zbekcha muqobillari bilan almashtirishni nazarda tutuvchi qonunni ikkinchi va uchinchi o‘qishlarda qabul qildi.

Qonunga ko‘ra, quyidagi atamalar almashtiriladi:

  • «avans» - «bo‘nak»;
  • «markirovka» - «tamg‘alash»;
  • «marshrut» - «yo‘nalish»;
  • «svetofor» - «yo‘lchiroq»;
  • «kovorking» - «ish markazi»;
  • «parol» - «o‘ron»;
  • «progressiv» - «ilg‘or».

Qayd etilishicha, ushbu o‘zgarishlar qonun hujjatlaridagi tushuncha va yuridik atamalarni birxillashtirish, shuningdek, ularni qo‘llashdagi noaniqliklarni bartaraf etishga qaratilgan.

Qonun Qonunchilik palatasida qabul qilinganidan so‘ng Senatga yuboriladi.