Toshkent shahridagi ko‘p qavatli uylardan birida 16-avgust kuni yong‘in sodir bo‘ldi.
Poytaxt FVBBga Mirzo Ulug‘bek tumani Asaka ko‘chasida joylashgan uyning tom qismida yong‘in sodir bo‘layotgani haqida soat 22:02 da xabar kelib tushgan.
Ta’kidlanishicha, qutqaruv bo‘linmasi voqea joyiga zudlik bilan yetib borgan, yong‘in soat 22:43 da qurshab olingan va soat 23:33 da o‘chirilgan.
Tarmoqlarda paydo bo‘lgan videoda o‘t o‘chirish mashinasi ko‘pqavatli uyning arkasi sabab uning hovlisiga kira olmagani aks etgan video tarqaldi. Shuningdek, tasvirlarda yong‘in binoning mansarda qismida joylashgan xonadonlarga ham o‘tgani ko‘rinadi.
Idora xabarida hodisa oqibatida tan jarohati olganlar yo‘qligi ma’lum qilingan. Hozirda yong‘in sababi va zarar miqdori aniqlanmoqda.
Mirzo Ulug‘bek tumanidagi ko‘p qavatli uyda yong‘in sodir bo‘ldi
09:221 9121 min
16-avgust kuni kechqurun Mirzo Ulug‘bek tumani Asaka ko‘chasida joylashgan ko‘p qavatli uyning tom qismida yong‘in yuz berdi. Yong‘inni o‘chirishga 1 soatdan ortiqroq vaqt ketgan.
