O‘zbekiston maktablarida 2026/27 o‘quv yili 2 sentyabr, chorshanbadan boshlanadi, deya e’lon qildi Maktabgacha va maktab ta’limi vazirligi.
Joriy yilda birinchi sinfga qabul qilinadigan 795 mingdan ortiq o‘quvchiga 12 nomdagi o‘quv qurollaridan iborat “Prezident sovg‘asi” beriladi.
Avvalroq akademik litsey va texnikumlarda ham yangi o‘quv yili 2 sentyabrdan boshlanishi xabar qilingandi.
Oliy ta’lim muassasalarida esa darslar 1-bosqich talabalari uchun 7 sentyabrdan, yuqori bosqich talabalari uchun esa 14 sentyabrdan boshlanadi.
