Yaponiyaning Mitsubishi kompaniyasi yangi modellar bilan Amerika bozoridagi oʻz mavqeini mustahkamlashga qaror qildi. Xususan, elektr Eclipse Sportback va Outlander’ning yangi varianti eʼlon qilindi
Mitsubishi kompaniyasi AQSH bozoridagi modellar qatorini kengaytiradi. Momentum 2030 strategiyasi doirasida Mitsubishi 2027-yilgacha Amerika bozoridagi avtomobillar sonini hozirgi toʻrttadan oltitaga yetkazishni rejalashtirmoqda. Kompaniya toʻliq elektr quvvatida harakatlanuvchi Eclipse Sportback EV va Outlander’ning yangi «yoʻltanlamas» variantini taqdim etadi.
Mitsubishi Eclipse Sportback EV (2027)
Mitsubishi’ning pikaplar segmentiga qaytishi yana bir muhim yoʻnalish boʻladi. Buning uchun kompaniya Nissan bilan hamkorlik qilish niyatida, biroq kelajakdagi model haqida hozircha tafsilotlar yoʻq.
Mitsubishi Outlander Trail Edition
Bundan tashqari, yapon brendi ichki yonuv dvigatelli avtomobillardan voz kechmagan holda elektrlashtirishni faolroq rivojlantirishni hamda talabga qarab turli quvvat qurilmalarini birgalikda qoʻllashni rejalashtirmoqda.
Shuningdek, Mitsubishi afsonaviy Pajero’ning jahon bozoriga qaytishini eslatib oʻtdi. Yangi avtomobil taqdimotga tayyorlanmoqda.
