Gruziyalik dzyudochi Akakiy Japaridze germaniyalik dzyudochi Timo Kaveliusni doʻpposladi, deb xabar berdi Die Welt.
Xabarga koʻra, gruzin kurashchisi jangda magʻlubiyatga uchragan. Magʻlubiyatga chidolmagan Japaridze raqibiga tashlanib, unga musht tushirgan va yiqilgan kurashchini yana bir necha marta urgan.
2024-yilgi Parij Olimpiadasi ishtirokchisi boʻlgan Kaveliusning jagʻi va ikkita tishi singan. U shifoxonaga yotqizilgan.
Ushbu ishni politsiya koʻrib chiqmoqda. Gruziyalik dzyudochi bir umrga musobaqalardan chetlatilishi mumkin.
Maʼlumot berilishicha, Kavelius 2028-yilgi Olimpiada oʻyinlariga tayyorgarlik koʻrayotgan boʻlgan.
