Gʻofurjon Gʻaniyevich Mirzayev bosh vazir oʻrinbosari – Oʻzbekiston mahallalari uyushmasi raisi lavozimiga tayinlandi.
Gʻofurjon Mirzayev nomzodi Oliy Majlis Qonunchilik palatasi deputatlari tomonidan maʼqullangan.
Mirzayev muqaddam Sirdaryo viloyatiga hokimlik qilgan. 2022-yil noyabrida prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari boʻyicha maslahatchisi etib tayinlangan, 2023-yil avgustidan boshlab lavozimi prezidentning kadrlar siyosati boʻyicha maslahatchisi deya oʻzgartirilgan.
U yangi lavozimda Qahramon Quronboyev oʻrnini egalladi. Quronboyev Mahallalar uyushmasi raisligiga 2024-yil yanvar oyida saylangan va oʻsha vaqtda yangi tuzilgan uyushmaning ilk rahbari boʻlgandi. U muqaddam prezident maslahatchisi, Yoshlar ittifoqi raisi kabi lavozimlarda ishlagan.
