“Iqtisodiyotda davlat ishtirokini qisqartirish va xususiylashtirish jarayonlarini jadallashtirish boʻyicha qoʻshimcha chora-tadbirlar toʻgʻrisida”gi prezident farmoni (PF-177-son, 27.08.2026) qabul qilindi.
2026-yilda iqtisodiyotda davlat ishtirokini qisqartirish hamda xususiylashtirish dasturining asosiy maqsadli koʻrsatkichlari etib belgilandi:
- davlat va davlat ishtirokidagi korxonalarga tegishli 84 ta jamiyat ustav kapitalidagi ulushlarni, 1 242 ta koʻchmas mulk obyektini va 8 ming gektar yer uchastkalarini savdoga chiqarish;
- 85 ta davlat ishtirokidagi korxonalarni tugatish va qayta tashkil etish;
- umumiy qiymati 100 trillion soʻmga yaqin davlat va davlat ishtirokidagi korxonalar aktivlarini hamda yer uchastkalarini savdoga chiqarish va kamida 14 trillion soʻm tushumni taʼminlash.
Farmon bilan, 2026-2027 yillarda ommaviy savdolarga chiqariladigan aktivlar, shu jumladan aksiya paketlari (ulushlar) roʻyxati tasdiqlandi.
Roʻyxatga Humo Air aviakompaniyasi (2022-yilda xususiylashtirilgan edi), Turonbank, “Oʻzekspomarkaz”, Xalqaro hamkorlik markazi, “Xalq Sugʻurta”, Oqtosh pansionati, bir nechta avtomobil yoʻllaridan foydalanish korxonalari, hududlardagi bozorlar va boshqalar kiritilgan.
