Vazirlar Mahkamasining 2021-yil 17-sentabrdagi 572-son qaroriga muvofiq, pedagog kadrlarni attestatsiyadan oʻtkazish natijalari ularning ikki bosqichda toʻplagan ballari asosida belgilanadi.
Oliy malaka toifasidagi pedagoglar
Oliy malaka toifasi yoki bosh oʻqituvchi lavozimidagi pedagog ikki bosqich natijasi boʻyicha 80 va undan yuqori ball olsa, attestatsiyadan oʻtgan hisoblanadi va uning oliy malaka toifasi saqlanadi.
80 balldan kam natija qayd etilsa, pedagog attestatsiyadan oʻtmagan hisoblanib, birinchi malaka toifasi - yetakchi oʻqituvchi lavozimiga tushiriladi. Navbatdan tashqari attestatsiyada ishtirok etgan pedagoglar bundan mustasno.
Birinchi malaka toifasidagi pedagoglar
Birinchi malaka toifasi yoki yetakchi oʻqituvchi lavozimidagi pedagog:
- 80 va undan yuqori ball toʻplasa, unga oliy malaka toifasi beriladi;
- 70 balldan 79 ballgacha toʻplasa, birinchi malaka toifasi saqlanadi;
- 70 balldan kam olsa, ikkinchi malaka toifasiga - katta oʻqituvchi lavozimiga tushiriladi.
Ikkinchi malaka toifasidagi pedagoglar
Ikkinchi malaka toifasi yoki katta oʻqituvchi lavozimidagi pedagog:
- 70 va undan yuqori ball olsa, birinchi malaka toifasi beriladi;
- 60 balldan 69 ballgacha natija koʻrsatsa, ikkinchi malaka toifasi saqlanadi;
- 60 balldan kam toʻplasa, mutaxassis - oliy maʼlumotli oʻqituvchi lavozimiga tushiriladi.
Mutaxassislar uchun qancha ball kerak?
Mutaxassis yoki oliy maʼlumotli oʻqituvchi lavozimidagi pedagog:
- 60 va undan yuqori ball toʻplasa, ikkinchi malaka toifasi - katta oʻqituvchi lavozimi beriladi;
- 55 balldan 59 ballgacha toʻplasa, mutaxassis lavozimi saqlanadi;
- 55 balldan kam natija koʻrsatsa, attestatsiyadan oʻtmagan va mutaxassis lavozimiga muvofiq emas deb hisoblanadi.
