Unga koʻra, “Ijtimoiy karta” orqali oʻqituvchilar, shifokorlar, davlat xizmatchilari, faol oʻquvchi va talabalar, shuningdek, Ijtimoiy reyestrga kiritilgan oilalar farzandlari hamda nogironligi boʻlgan bolalarga teatr, kino va konsert tadbirlari uchun bepul va imtiyozli vaucherlar berish taklif qilinmoqda.
Qaror loyihasida belgilanishicha, har yili oʻqituvchilar, shifokorlar, davlat xizmatchilari, faol oʻquvchi va talabalar uchun 500 mingta, Ijtimoiy reyestrga kiritilgan oilalar farzandlari hamda nogironligi boʻlgan bolalar uchun 100 mingta vaucher ajratiladi.
Vaucherlar “Ijtimoiy karta” mobil ilovasi orqali elektron shaklda taqdim etiladi. Vaucher miqdori bazaviy hisoblash miqdorining 30 foizigacha boʻlishi nazarda tutilmoqda.
Shuningdek, 2027-yil yanvarga qadar “Ijtimoiy karta” axborot tizimiga oʻqituvchilar, shifokorlar, davlat xizmatchilari, faol oʻquvchi va talabalar, Ijtimoiy reyestrdagi oilalar farzandlari hamda nogironligi boʻlgan bolalar haqidagi maʼlumotlarni integratsiya qilinadi.
Loyiha muhokamasi 19-sentabr kuni yakunlanadi.
