Braziliya prezidenti Luis Inasiu Lula da Silva mamlakatda virtual kazinolar va pul tikiladigan onlayn oʻyinlar butkul taqiqlanishini eʼlon qildi.
«Bu saratonga oʻxshaydi: oʻsimtani yoʻq qilasan yoki oʻsimta seni oʻldiradi», - deya prezidentning soʻzlaridan iqtibos keltiradi G1 portali.
Ushbu chora prezidentlik saylovlari oldidan joriy etildi. Saylovning birinchi turi 4-oktabrga belgilangan.
«Biz jamoat salomatligi sohasida onlayn pul tikish bilan bogʻliq jiddiy muammoga duch keldik. Bu jiddiy muammo», - dedi moliya vaziri Dario Durigan.
Uning maʼlum qilishicha, foydalanuvchilar oʻz mablagʻlarini yechib olishlari uchun bukmekerlik kompaniyalarining saytlari 5-oktabrgacha ochiq boʻladi. 6-oktabrdan boshlab esa ilovalar doʻkonlari va internet-provayderlar ushbu saytlarni bloklashi shart.
Prezidentlik saylovida oʻz nomzodini qoʻygan senator Flavio Bolsonaru esa ushbu taqiqni «populistik, ikkiyuzlamachi va siyosiy maqsadlarga qaratilgan» qaror deb atadi.
